திடீர் விலை குறைப்பு.. ரெட்மி போன் வாங்க சூப்பர் சான்ஸ்

இந்திய ஆன்லைன் வலைத்தளங்களில் சமீபத்தில் தான் ஏராளமான சலுகைகள் வழங்கும் சிறப்பு விற்பனை நடந்து முடிந்தன. இவற்றில் பல்வேறு பொருட்களுக்கும் அசத்தல் சலுகைகள் மற்றும் பலன்கள் வழங்கப்பட்டன. இந்த நிலையில், எவ்வித சிறப்பு விற்பனையும் இன்றி அமேசான் இந்தியா வலைதளத்தில் ரெட்மி போனுக்கு விலை குறைப்பு வழங்கப்படுகிறது.

இதனால் ரெட்மி 13C 5ஜி மாடலின் விலை இந்தியாவில் குறைந்துள்ளது. இந்திய சந்தையில் ரூ. 10,499 விலையில் விற்பனை செய்யப்படும் ரெட்மி 13C விலை தற்போது ரூ. 9,499 என மாறி இருக்கிறது. இந்த தள்ளுபடியை பெறுவதற்கு பயனர்கள் ரெட்மி 13C விலையின் கீழ் இடம்பெற்று இருக்கும் “Apply Rs 1000 coupon” ஆப்ஷனை க்ளிக் செய்ய வேண்டும்.

இத்துடன் அமேசான் ஐசிஐசிஐ வங்கி கிரெடிட் கார்டு பயன்படுத்தி 5 சதவீதம் வரை தள்ளுபடி பெறலாம். பயனர்களுக்கு ரூ. 472.78 வட்டியில்லா மாத தவணை முறை தள்ளுபடியை பெறலாம். வங்கி பலன்களை தவிர்த்து ரெட்மி 13C வாங்கும் போது அதன் விலை ரூ. 9,499 என மாறிவிடும்.

அம்சங்களை பொருத்தவரை ரெட்மி 13C மாடலில் 6.74 இன்ச் IPS LCD டிஸ்ப்ளே, 90Hz ரிப்ரெஷ் ரேட், மீடியாடெக் ஹீலியோ G85 பிராசஸர், அதிகபட்சம் 8GB ரேம், 256GB மெமரி வழங்கப்பட்டு இருக்கிறது. இத்துடன் மெமரியை கூடுதலாக நீட்டிக்கும் வசதி உள்ளது. இந்த ஸ்மார்ட்போன் ஆண்ட்ராய்டு 13 சார்ந்த MIUI 14 கொண்டுள்ளது.

புகைப்படங்களை எடுக்க 50MP பிரைமரி கேமரா, 2MP மேக்ரோ லென்ஸ் மற்றும் 0.08MP லென்ஸ், 8MP செல்பி கேமரா வழங்கப்பட்டு இருக்கிறது. இந்த ஸ்மார்ட்போனில் 5000mAh பேட்டரி, 18W சார்ஜிங் வசதி வழங்கப்பட்டு இருக்கிறது. இந்திய சந்தையில் ரெட்மி 13C ஸ்மார்ட்போன் க்லோவர் கிரீன், கிலேசியர் வைட், நேவி புளூ மற்றும் மிட்நைட் பிளாக் என நான்கு நிறங்களில் கிடைக்கிறது.