ரூ. 12990-க்கு இந்த இயர்பட்ஸ்-ல அப்படி என்ன இருக்கு?

சென்ஹெய்சர் நிறுவனம் இந்திய சந்தையில் தனது புதிய அசெண்டம் ட்ரூ வயர்லெஸ் இயர்பட்ஸ் மாடலை அறிமுகம் செய்தது. புதிய ஹை-எண்ட் இயர்பட்ஸ் மாடலில் ஹைப்ரிட் ஆக்டிவ் நாய்ஸ் கேன்சலேஷன் வசதி, அதிகபட்சம் 28 மணி நேரத்திற்கு பேட்டரி பேக்கப், டிரான்ஸ்பேரன்சி மோட் என ஏராளமான வசதிகள் உள்ளன.

இந்த இயர்பட்ஸ் எர்கனமிக் டிசைன், அனைவரின் காதுகளில் மிக கச்சிதமாக பொருந்தும் வகையிலான இயர்டிப்கள் வழங்கப்பட்டுள்ளன. இத்துடன் 7mm டைனமிக் ட்ரூ ரெஸ்பான்ஸ் டிரான்ஸ்டியுசர் வழங்கப்பட்டு இருக்கிறது. இது மேம்பட்ட பேஸ் அனுபவத்தை உறுதிப்படுத்தும்.

இத்துடன் ஹைப்ரிட் ஆக்டிவ் நாய்ஸ் கேன்சலேஷன் வசதி உள்ளதால், இந்த இயர்பட்ஸ் தேவையற்ற வெளிப்புற சத்தத்தை தடுத்து நிறுத்தும். இத்துடன் டிரான்ஸ்பேரன்சி மோட் உள்ளது. இதை கொண்டு ஆடியோவை கேட்டுக் கொண்டே வெளிப்புறம் இருக்கும் சத்தத்தையும் கேட்க முடியும்.

இந்த இயர்பட்ஸ்-ஐ ஸ்மார்ட் கண்ட்ரோல் ஆப் மூலம் டிரான்ஸ்பேரன்சி அளவை அட்ஜஸ்ட் செய்வது, சவுண்ட் செட்டிங்களை கஸ்டமைஸ் செய்வது உள்ளிட்டவைகளை மேற்கொள்ளலாம். இத்துடன் இதன் இயர்பட்களில் டச் கண்ட்ரோல் வசதி உள்ளது. இதை கொண்டு மீடியா, போன் கால் மற்றும் வாய்ஸ் அசிஸ்டண்ட் உள்ளிட்டவைகளை இயக்க முடியும்.

சென்ஹெய்சர் அசெண்டம் மாடல் ப்ளூடூத் 5.3 கனெக்டிவிட்டி, ப்ளூடூத் LE ஆடியோ மற்றும் ஆராகாஸ்ட் போன்ற வசதிகளை கொண்டிருக்கிறது. இத்துடன் IP55 தர வாட்டர் மற்றும் டஸ்ட் ரெசிஸ்டண்ட் வசதி வழங்கப்பட்டுள்ளது. இந்த இயர்பட்ஸ் முழு சார்ஜ் செய்தால் 8 மணி நேர பேக்கப் வழங்கும், சார்ஜிங் கேஸ் சேர்க்கும் போது கூடுதலாக 28 மணி நேரம் வரை பயன்படுத்தலாம். சார்ஜிங் செய்ய USB C மற்றும் Qi வயர்லெஸ் சார்ஜிங் வசதிகள் வழங்கப்பட்டு இருக்கின்றன.

அறிமுக சலுகையாக சென்ஹெய்சர் அசெண்டம் இயர்பட்ஸ் ரூ. 12,990 விலையில் விற்பனை செய்யப்படுகிறது. இந்த இயர்பட்ஸ் பிளாக் மற்றும் வைட் என இரண்டு நிறங்களில் கிடைக்கிறது. இந்த இயர்பட்ஸ்-இன் விற்பனை ப்ளிப்கார்ட், அமேசான் மற்றும் சென்ஹெய்சர் அதிகாரப்பூர்வ வலைதளங்களில் நடைபெறுகிறும். இதற்கு நிறுவனம் சார்பில் இரண்டு ஆண்டுகள் வாரண்டி வழங்கப்படுகிறது.