பெரும் எதிர்பார்ப்பு.. 2 புது Vivo போன்கள் அறிமுகம் – என்ன ஸ்பெஷல்?

விவோ நிறுவனம் இந்திய சந்தையில் இரண்டு புதிய ஸ்மார்ட்போன்களை அறிமுகம் செய்துள்ளது. விவோ V40 சீரிசில் இவை இடம்பெற்றுள்ளன. விவோ V40 மற்றும் V40 ப்ரோ என அழைக்கப்படும் புது ஸ்மார்ட்போன்கள் 6.78 இன்ச் FHD+ 120Hz Curved AMOLED டிஸ்ப்ளே, 50MP செல்பி கேமரா கொண்டிருக்கின்றன.

இரு மாடல்களில் விவோ V40 ஸ்னாப்டிராகன் 7 ஜென் 3 பிராசஸர், 50MP பிரைமரி கேமரா, OIS, 50MP அல்ட்ரா வைடு கேமரா வழங்கப்பட்டு இருக்கிறது. விவோ V40 ப்ரோ மாடலில் மீடியாடெக் டிமென்சிட்டி 9200+ பிராசஸர், 50MP பிரைமரி கேமரா, OIS, 50MP UW மற்றும் 50MP 2x டெலிபோட்டோ போர்டிரெயிட் கேமரா வழங்கப்பட்டுள்ளது.

புதிய V40 சீரிஸ் மாடல்கள் ஆண்ட்ராய்டு 14 சார்ந்த ஃபன்டச் ஓஎஸ் 14 வழங்கப்பட்டு இருக்கிறது. இந்த ஸ்மார்ட்போன்களுக்கு மூன்று ஆண்ட்ராய்டு அப்டேட்கள், நான்கு ஆண்டுகள் செக்யூரிட்டி அப்டேட் வழங்குவதாக விவோ தெரிவித்துள்ளது.

விவோ V40 மாடல் டைட்டானியம் கிரே, லோட்டஸ் பர்ப்பில் மற்றும் கேஞ்சஸ் புளூ நிற ஆப்ஷன்கள் மற்றும் கிலாஸ் பேக் கொண்டிருக்கிறது. விவோ V40 ப்ரோ மாடல் டைட்டானியம் கிரே மற்றும் கேஞ்சஸ் புளூ நிற ஆப்ஷன்களில் மட்டும் கிடைக்கிறது. இரு மாடல்களிலும் 5500mAh பேட்டரி, 80W சார்ஜிங், IP68 தர டஸ்ட் மற்றும் வாட்டர் ரெசிஸ்டண்ட் வசதி வழங்கப்பட்டு இருக்கிறது.

விலையை பொருத்தவரை விவோ V40 மாடலின் 8GB ரேம், 128GB மெமரி மாடல் விலை ரூ. 34,999 என்றும் டாப் எண்ட் 12GB ரேம், 512GB மெமரி மாடல் விலை ரூ. 36,999 என்றும் நிர்ணயம் செய்யப்பட்டு உள்ளது. விவோ V40 ப்ரோ மாடலின் 8GB ரேம், 256GB மெமரி மாடல் விலை ரூ. 49,999 என்றும் 12GB ரேம், 512GB மெமரி மாடல் விலை ரூ. 55,999 என்றும் நிர்ணயம் செய்யப்பட்டு உள்ளது.

இரண்டு புதிய ஸ்மார்ட்போன்களின் முன்பதிவு ஏற்கனவே துவங்கியுள்ள நிலையில், இவற்றின் விற்பனை முறையே ஆகஸ்ட் 19 மற்றும் ஆகஸ்ட் 13 ஆம் தேதிகளில் துவங்க உள்ளது.