இந்தியாவில் இரு விவோ ஸ்மார்ட்போன்களுக்கு அதிரடி விலை குறைப்பு அறிவிப்பு!

விவோ நிறுவனத்தின் Y சீரிஸ் மாடல் ஆஃப்லைன் சந்தையை குறிவைத்து விற்பனை செய்யப்பட்டு வருகின்றன. சமீபத்தில் தான் விவோ நிறுவனம் இரண்டு Y சீரிஸ் ஸ்மார்ட்போன் மாடல்களை இந்திய சந்தையில் அறிமுகம் செய்தது. விவோ Y100 மாடல் பிப்ரவரி மாதமும், ஏப்ரல் மாதத்தில் விவோ Y100A மாடலும் அறிமுகம் செய்யப்பட்டன.

தற்போது இரண்டு மாடல்களுக்கும் ரூ. 1000 விலை குறைப்பு அறிவிக்கப்பட்டு இருக்கிறது. விலை குறைப்பு மட்டுமின்றி, இரு ஸ்மார்ட்போன் மாடல்களை வாங்குவோருக்கு அசத்தல் தள்ளுபடி வழங்கப்படுகின்றன.

விவோ Y100 ஸ்மார்ட்போனின் 8 ஜிபி ரேம், 128 ஜிபி மெமரி மாடலின் விலை முன்னதாக ரூ. 24 ஆயிரத்து 999 என்று நிர்ணயம் செய்யப்பட்டு இருந்தது. தற்போது விலை குறைப்பை தொடர்ந்து இந்த ஸ்மார்ட்போனின் விலை ரூ. 23 ஆயிரத்து 999 என்று மாறி இருக்கிறது. விவோ Y100A மாடலின் 8 ஜிபி ரேம், 128 ஜிபி மெமரி மாடல் விலை 23 ஆயிரத்து 999 என்றும், 8 ஜிபி ரேம், 256 ஜிபி மெமரி மாடல் விலை ரூ. 25 ஆயிரத்து 999 என்றும் நிர்ணயம் செய்யப்பட்டு உள்ளது.

Vivo-Y100A-2

விலை குறைப்பு மட்டுமின்றி விவோ நிறுவனம் இரண்டு ஸ்மார்ட்போன்களுக்கும் ரூ. 2 ஆயிரம் வரை கேஷ்பேக் சலுகை வழங்குகிறது. கேஷ்பேக் சலுகை எஸ்.பி.ஐ. வங்கி, ஐ.சி.ஐ.சி.ஐ. வங்கி, ஐ.டி.எஃப்.சி. ஃபர்ஸ்ட் வங்கி, ஃபெடரல் வங்கி, எஸ் வங்கி, ஏ.யு. வங்கி கிரெடிட் கார்டு மாத தவணை முறை சலுகைகளை பயன்படுத்துவோருக்கு வழங்கப்படுகிறது. விவோ அதிகாரப்பூர்வ விற்பனை மையங்களில் வாங்கும் போது, விவோ வி-ஷீல்டு ஆக்சிடென்டல் டேமேஞ்ச் ப்ரோடெக்‌ஷன் திட்டம் சேர்க்கப்பட்டு வழங்கப்படுகிறது.

விவோ Y100 மாடலில் 6 நானோமீட்டர் முறையில் உருவாக்கப்பட்டு இருக்கும் மீடியாடெக் டிமென்சிட்டி 900 பிராசஸர் வழங்கப்பட்டு இருக்கிறது. விவோ Y100A மாடலில் குவால்காம் நிறுவனத்தின் ஸ்னாப்டிராகன் 695 பிராசஸர் வழங்கப்பட்டு இருக்கிறது. இரண்டு பிராசஸர்களும் 5ஜி கனெக்டிவிட்டியை வழங்குகின்றன. பிராசஸர் தவிர இரு மாடல்களும் ஒரே மாதிரியான அம்சங்களே வழங்கப்பட்டு உள்ளன.

Vivo-Y100A-2

அதன்படி 6.38 இன்ச் FHD+ 90Hz AMOLED ஸ்கிரீன், 64MP பிரைமரி கேமரா, OIS, 4500 எம்ஏஹெச் பேட்டரி, 44 வாட் ஃபிலாஷ் சார்ஜ் வசதி உள்ளிட்டவை இந்த ஸ்மார்ட்போன்களின் முக்கிய அம்சங்கள் ஆகும். இரு மாடல்களும் அமேசான், ஃப்ளிப்கார்ட் மற்றும் விவோ இந்தியா இ ஸ்டோர், முன்னணி சில்லறை விற்பனை மையங்களில் விற்பனைக்கு கிடைக்கிறது.