ஆண்ட்ராய்டு 14 ஓஎஸ், 5000mAh பேட்டரி.. ₹7K விலையில் புது போன் – எந்த மாடல்?

விவோ நிறுவனத்தின் முற்றிலும் புது ஸ்மார்ட்போன் மாடல் இந்திய சந்தையில் அறிமுகம் செய்யப்பட்டது. இந்த ஸ்மார்ட்போன் விவோ Y18i பெயரில் அழைக்கப்படுகிறது. பட்ஜெட் பிரிவில் நிலைநிறுத்தப்பட்டு இருக்கும் புது விவோ ஸ்மார்ட்போன் மிகக் குறைந்த விலையில் கிடைக்கிறது.

அம்சங்களை பொருத்தவரையில் விவோ Y18i மாடலில் 6.56 இன்ச் HD+ 720×1612 பிக்சல் ஸ்கிரீன், 90Hz ரிப்ரெஷ் ரேட், 12 நானோமீட்டர் முறையில் உருவாக்கப்பட்டு இருக்கும் யுனிசாக் டி612 பிராசஸர், அதிகபட்சம் 4GB ரேம், 64GB மெமரி மற்றும் ஆண்ட்ராய்டு 14 சார்ந்த ஃபன்டச் ஓஎஸ் 14 வழங்கப்பட்டு இருக்கிறது.

புகைப்படங்களை எடுக்க 13MP பிரைமரி கேமரா, 0.08MP லென்ஸ் மற்றும் 5MP செல்ஃபி கேமரா வழங்கப்பட்டுள்ளது. கனெக்டிவிட்டிக்கு வைபை 5, ப்ளூடூத் 5, ஜிபிஎஸ் மற்றும் யுஎஸ்பி டைப் சி போர்ட் உள்ளது. இந்த ஸ்மார்ட்போன் அக்செல்லோமீட்டர், பிராக்சிமிட்டி சென்சார் மற்றும் ஆம்பியன்ட் லைட் சென்சார் கொண்டிருக்கிறது.

புதிய விவோ Y18i ஸ்மார்ட்போன் 5000mAh பேட்டரி மூலம் சக்தியூட்டப்படுகிறது. இத்துடன் 15W சார்ஜிங் வசதி வழங்கப்பட்டுள்ளது. இந்த ஸ்மார்ட்போன் IP54 தர டஸ்ட் மற்றும் வாட்டர் ரெசிஸ்டண்ட் வசதி கொண்டுள்ளது. அளவீடுகளில் இந்த ஸ்மார்ட்போன் 163.63 x 75.58 x 8.39 mm ஆகவும், எடையை பொருத்தவரை 185 கிராம் ஆகவும் உள்ளது.

இந்திய சந்தையில் புதிய விவோ Y18i ஸ்மார்ட்போன் ஜெம் கிரீன் மற்றும் ஸ்பேஸ் பிளாக் என இரண்டு விதமான நிறங்களில் கிடைக்கிறது. இதன் விலை ரூ. 7,999 ஆகும். விற்பனை விவோ இந்தியா இ-ஸ்டோர், அமேசான், ப்ளிப்கார்ட், மற்றும் க்ரோமா போன்ற சில்லறை விற்பனை மையங்களில் நடைபெறுகிறது.