ரூ. 21 ஆயிரம் தள்ளுபடி.. Anniversary சேல்-னாலும் நியாயம் வேண்டாமா? அதகளம் செய்யும் சியோமி..!

சியோமி நிறுவனம் இந்திய சந்தையில் தனது 9 ஆவது ஆண்டு விழாவை கொண்டாடி வருகிறது. இதன் அங்கமாக அந்நிறுவனம் தனது சாதனங்கள் அனைத்திற்கும் அசத்தல் தள்ளுபடி மற்றும் இதர சலுகைகள் அறிவிக்கப்பட்டு உள்ளன. சலுகை விவரங்கள் சியோமி இந்தியா வலைதளத்தில் ஏற்கனவே அறிவிக்கப்பட்டு விட்டது.

Xiaomi-12-Pro-5G-1

சலுகை விற்பனை ஜூலை 10 ஆம் தேதி வரை நடைபெற இருக்கிறது. பல்வேறு சலுகைகளில், சியோமி 12 ப்ரோ மாடலுக்கு அறிவிக்கப்பட்டு இருக்கும் சலுகை அனைவரது கவனத்தை ஈர்த்து இருக்கிறது. இந்த விற்பனையில் சியோமி 12 ப்ரோ ஸ்மார்ட்போனிற்கு அதிரடி விலை குறைப்பு அறிவிக்கப்பட்டு இருக்கிறது. சிறப்பு சலுகைகளுடன் பல்வேறு வங்கிகளுடன் சேர்ந்து கூடுதல் தள்ளுபடி வழங்கப்படுகிறது.

சலுகை விவரங்கள் :

இந்திய சந்தையில் சியோமி 12 ப்ரோ ஸ்மார்ட்போனின் பேஸ் மாடல் விலை ரூ. 62 ஆயிரத்து 999 என்று நிர்ணயம் செய்யப்பட்டு இருந்தது. தற்போதைய விற்பனையில் சியோமி 12 ப்ரோ 8 ஜிபி ரேம், 256 ஜிபி மெமரி மாடல் விலை ரூ. 41 ஆயிரத்து 999 என்றும் 12 ஜிபி ரேம், 256 ஜிபி மெமரி மாடல் விலை ரூ. 44 ஆயிரத்து 999 என்று மாறி இருக்கிறது.

Xiaomi-12-Pro-5G-Offers

விலை குறைப்பு மட்டுமின்றி சியோமி 12 ப்ரோ மாடலை வாங்குவோர், ஹெச்.டி.எஃப்.சி. வங்கி மற்றும் ஐ.சி.ஐ.சி. வங்கி கிரெடிட் கார்டு பயன்படுத்தும் போதும், மாத தவணை முறை சலுகையை பெறும் போதும் ரூ. 2 ஆயிரம் உடனடி தள்ளுபடி வழங்கப்படுகிறது. இதன் மூலம் சியோமி 12 ப்ரோ மாடலின் விலை முறையே ரூ. 39 ஆயிரத்து 999 மற்றும் ரூ. 42 ஆயிரத்து 999 என்றும் மாறி இருக்கிறது.

வாங்கலாமா வேண்டாமா ?

சியோமி 12 ப்ரோ ஸ்மார்ட்போன் அந்நிறுவனத்தின் ஃபிளாக்‌ஷிப் மாடல் ஆகும். இதில் 2K AMOLED டிஸ்ப்ளே, 120Hz ரிப்ரெஷ் ரேட், 120 வாட் ஃபாஸ்ட் சார்ஜிங் சப்போர்ட், 50MP பிரைமரி கேமரா, குவால்காம் ஸ்னாப்டிராகன் 8 ஜென் 1 பிராசஸர் என ஏராளமான டாப் எண்ட் அம்சங்கள் வழங்கப்பட்டு உள்ளன. அன்றாட பயன்பாடுகளுக்கு இந்த மாடலில் உள்ள அம்சங்கள் போதுமான ஒன்று தான்.

Xiaomi-12-Pro-5G

எனினும், இதில் உள்ள குவால்காம் ஸ்னாப்டிராகன் 8 ஜென் 1 பிராசஸரில் அதீத கேமிங் அல்லது UHD தர வீடியோக்களை படமாக்கும் போது திராட்லிங் ஏற்படுவதாக பயனர்கள் குற்றம்சாட்டியுள்ளனர். எனினும், ரூ. 39 ஆயிரத்து 999 விலையில் சியோமி 12 ப்ரோ வாங்குவது நல்ல முடிவாகவே இருக்கும். எனினும், இதை விட குறைந்த விலையில் ஒன்பிளஸ் 11R மற்றும் ஐகூ நியோ 7 ப்ரோ உள்ளிட்ட மாடல்களும் கிடைக்கின்றன.