போன் வாங்கினால் வாட்ச் இலவசம் – சியோமி அறிவித்த சூப்பர் சலுகை

சியோமி நிறுவனத்தின் முற்றிலும் புதிய ஸ்மார்ட்போன் இந்தியாவில் அறிமுகம் செய்யப்பட்டது. சியோமி 14 சிவி என அழைக்கப்படும் புது ஸ்மார்ட்போன் வாங்கும் போது சியோமி ஸ்மார்ட்வாட்ச் முற்றிலும் இலவசமாக வழங்கப்படுகிறது.

புது ஸ்மார்ட்போன் வெளியீட்டை ஒட்டி அறிவிக்கப்பட்டு இருக்கும் இந்த சலுகை இன்று துவங்கி ஜூன் 19 ஆம் தேதி வரை வழங்கப்படுகிறது. சலுகையின்படி சியோமி 14 சிவி ஸ்மார்ட்போன் வாங்கும் போது ரூ. 2999 மதிப்புள்ள ரெட்மி வாட்ச் 3 ஆக்டிவ் ஸ்மார்ட்வேட்ச் இலவசமாக வழங்கப்படும்.

இந்தியாவில் அறிமுகமாகி இருக்கும் புது சியோமி 14 சிவி ஸ்மார்ட்போன் ஆக்டாகோர் ஸ்னாப்டிராகன் 8 சீரிஸ் பிராசஸர் கொண்டிருக்கிறது. இத்துடன் 50MP பிரைமரி கேமரா, 12MP அல்ட்ரா வைட் கேமரா, 50MP 2X டெலிபோட்டோ கேமரா மற்றும் 32MP டூயல் செல்பீ கேமரா உள்ளது. இந்த ஸ்மார்ட்போன் இருவித மெமரி ஆப்ஷன்களில் கிடைக்கிறது.

இன்-ஸ்கிரீன் கைரேகை சென்சார் கொண்ட சியோமி 14 சிவி ஸ்மார்ட்போன் 4700mAh பேட்டரி மூலம் சக்தியூட்டப்படுகிறது. மேலும் 67 வாட் பாஸ்ட் சார்ஜிங் வசதி உள்ளது. இத்துடன் 5G கனெக்டிவிட்டி, ஆண்ட்ராய்டு 14 சார்ந்த சியோமி ஹைப்பர் OS வழங்கப்பட்டு இருக்கிறது.

விலை விவரங்கள்:

சியோமி 14 சிவி 8GB + 256GB ரூ. 42,999
சியோமி 14 சிவி 12GB + 512GB ரூ. 47,999

இந்த ஸ்மார்ட்போனின் விற்பனை ஜூன் 20 ஆம் தேதி துவங்குகிறது. ஆன்லைனில் Mi மற்றும் ப்ளிப்கார்ட் தளங்களிலும் ஆப்லைன் ஸ்டோர்களில் இந்த ஸ்மார்ட்போன் விற்பனைக்கு கிடைக்கும்.

இதர சலுகைகள்:

• ICICI வாங்கி கார்டு பயன்படுத்தும் போது ரூ. 3000 உடனடி தள்ளுபடி
• மூன்று மாதங்களுக்கு YouTube சந்தா இலவசம்
• 6 மாதங்களுக்கு 100GB வரை கூகுள் ஒன் சந்தா இலவசம்
• சியோமி Priority Club சந்தா இலவசம்