தமிழக வெற்றிக் கழகத்தின் (த.வெ.க.) தலைவர் விஜய்யின் அரசியல் பிரவேசம் குறித்து நடிகர் ரஜினிகாந்த் தொடர்ந்து மிகுந்த அக்கறை செலுத்தி வருவதாக சினிமா மற்றும் அரசியல் வட்டாரங்களில் செய்திகள் கசிந்துள்ளன. சமீபத்தில், ரஜினிகாந்த் இரண்டு முக்கிய நபர்களிடம் விஜய்க்கு அட்வைஸ் அனுப்பியுள்ளார். இந்த இருவரும் ரஜினி மற்றும் விஜய் ஆகிய இருவரையும் வைத்துப் பணியாற்றியவர்கள் என்பது குறிப்பிடத்தக்கது.
அட்வைஸ் அனுப்பப்பட்டவர்கள்:
இயக்குனர்:
ரஜினியை வைத்து ஒரு படமும், விஜய்யை வைத்து ஒரு படமும் இயக்கிய ஒரு பிரபல இயக்குனரிடம் ரஜினிகாந்த் பேசியுள்ளார். “விஜய் அரசியலுக்கு வந்த பிறகு இந்த குறிப்பிட்ட சில விஷயங்களை எல்லாம் செய்யச் சொல்லுங்கள். இதை நான் சொன்னதாக விஜய்யிடம் நீங்கள் கூறுங்கள்” என்று அட்வைஸ் செய்துள்ளார்.
கார்ப்பரேட் கம்பெனியின் சி.இ.ஓ (CEO) :
ரஜினியை வைத்து சில படங்களையும், விஜய்யை வைத்து சில படங்களையும் தயாரித்த ஒரு பெரிய கார்ப்பரேட் நிறுவனத்தின் தலைமை நிர்வாக அதிகாரியிடமும் (CEO) ரஜினிகாந்த் பேசியுள்ளார். அவரிடமும், “விஜய் இந்த இந்த குறிப்பிட்ட விஷயங்களை எல்லாம் நிச்சயம் செய்ய வேண்டும் என்று சொல்லுங்கள்” என்று வலியுறுத்தி அறிவுரைகளைச் சொல்லி அனுப்பியுள்ளார்.
இந்த இரண்டு முக்கிய நபர்கள் மூலம் ரஜினிகாந்த் விஜய்க்கு அறிவுரைகளை அனுப்பியதன் மூலம், அவரது அரசியல் எதிர்காலம் குறித்த ரஜினியின் உண்மையான அக்கறை வெளிப்படுவதாக கருதப்படுகிறது. விஜய் தோற்கக் கூடாது என்பதற்காக ரஜினி இந்த முயற்சியை எடுத்துள்ளார்.
மேலும் இளையராஜாவின் பாராட்டு விழா மேடையில் முதலமைச்சர் அமர்ந்திருந்தார் எப்படியும் அவரை பாராட்டி தான் ஆக வேண்டும் அதற்காக புதிய எதிரி பழைய எதிரி என்று கூறினாரே தவிர அதில் எந்த வஞ்சகமும் இல்லை. என்று அரசியல் வட்டாரங்களில் பேசப்பட்டு வருகிறது.