தமிழக அரசியல் களம் தற்போது சந்தித்து வரும் மிக மோசமான அவலங்களில் ஒன்று, எதிர்க்கட்சியாக மாறியுள்ள திராவிட கட்சிகள் வதந்திகளை பரப்புவதையே தங்களின் முழுநேர தொழிலாக மாற்றி கொண்டிருப்பதுதான். அண்மையில் நடந்த தேர்தலில் மக்கள் தங்களுக்கு அளித்த சம்மட்டி அடியையும், அதன் காரணமாக தங்களின் கைவிட்டு போன ஆட்சி அதிகாரத்தையும் அவர்களால் இன்னும் ஏற்றுக்கொள்ள முடியவில்லை.
இந்த தோல்வியின் அதிர்ச்சியிலிருந்து மீள முடியாமல், அடுத்ததாக என்ன செய்வது என்றே தெரியாத ஒரு விரக்தியான மனநிலையில் அவர்கள் தள்ளப்பட்டுள்ளனர். அதிகாரத்தை இழந்த ஆத்திரத்தில், சமுதாயத்தில் பதற்றத்தையும் குழப்பத்தையும் விளைவிப்பதற்காக அன்றாடம் பொய் பிரசாரங்களை அவிழ்த்துவிடும் இவர்களின் இழிவான அரசியலை தமிழக மக்கள் உன்னிப்பாக கவனித்து கொண்டுதான் இருக்கிறார்கள்.
அரசியல் லாபத்திற்காக எந்த எல்லைக்கும் செல்ல துணியும் இந்த வீழ்ந்துபோன சக்திகள், கும்மிடிப்பூண்டியில் நடந்த மூன்று வயது குழந்தையின் கொடூரமான பாலியல் வன்கொடுமை சம்பவத்தைக் கூட தங்களுக்கு சாதகமாக திரித்து பேச தொடங்கியுள்ளனர். ஒரு பச்சிளம் குழந்தையின் வேதனையையும், அந்தப் பிஞ்சு உடலுக்கு இழைக்கப்பட்ட அநீதியையும் கூடத் தங்களின் அரசியல் பசிக்கு இறையாக்க நினைக்கும் இவர்களின் செயல் மனிதநேயமற்ற கொடுமையின் உச்சமாகும்.
அந்தப் பகுதியில் நடந்தது என்ன என்பதை திருவள்ளூர் மாவட்ட காவல்துறை மிக தெளிவாக விளக்கி, இதில் கூட்டுப் பாலியல் வன்கொடுமை என்ற பேச்சுக்கே இடமில்லை என்றும், பீகார் மாநிலத்தை சேர்ந்த ஒரே ஒரு தனிநபர் மட்டுமே இக்குற்றத்தை செய்தார் என்றும் அவரை உடனடியாக கைது செய்துவிட்டதாகவும் அறிவித்துள்ளது. ஆனால், இந்த அதிகாரப்பூர்வ விளக்கங்களை எல்லாம் காதில் வாங்கி கொள்ளாமல், வதந்திகளை திட்டமிட்டுப் பரப்புவதே இவர்களின் நோக்கமாக உள்ளது.
திமுக நாடாளுமன்ற உறுப்பினர் கனிமொழி, பாஜகவில் இருந்து பிரிந்து வந்ததாக கூறப்படும் அண்ணாமலை, எதிர்க்கட்சி தலைவர் உதயநிதி போன்ற முன்னணித் தலைவர்கள் கூட, இந்த விவகாரத்தில் உண்மை நிலவரத்தைச் சரிபார்க்காமல் அவசர அவசரமாகச் சமூக ஊடகங்களில் தங்களின் அரசியல் வன்மத்தைக் கொட்டியுள்ளனர். சட்டம் ஒழுங்கு சீர்கெட்டுவிட்டது என்றும், பொறுப்பற்ற ஆட்சி நடக்கிறது என்றும் குற்றம் சாட்டி, பொதுமக்கள் தங்களின் பாதுகாப்பைத் தாங்களே பார்த்துக் கொள்ள வேண்டும் என்ற ரீதியில் பீதியை ஏற்படுத்தும் பதிவுகளை வெளியிட்டுள்ளனர். மாநிலத்தில் ஒரு கொடூரமான குற்றம் நடக்கும்போது, அதற்குப் பின்னால் இருக்கும் சமூகச் சிக்கல்களைப் பேசி தீர்வு காண்பதை விடுத்து, அதைக் தற்போதைய தவெக அரசுக்கு எதிரான ஒரு ஆயுதமாக மாற்றத் துடிப்பது இவர்களின் அரசியல் வறுமையையே காட்டுகிறது.
இதற்கு முன்னதாக, தவெக சட்டமன்ற உறுப்பினர்களின் கல்வித் தகுதிகள் போலியானது என்றும், அவர்களின் பதவிகள் பறிக்கப்படப் போகிறது என்றும் டெல்லி வட்டாரங்களை மேற்கோள் காட்டி ஒரு போலியான செய்தியை இதே திராவிடக் கட்சியினர் பரப்பினர். வேடிக்கை என்னவென்றால், இவர்களிடம் சொந்தமாகச் சிந்திப்பதற்கோ அல்லது ஒரு வதந்தியைப் புதுமையாக உருவாக்குவதற்கோ கூடத் துப்பில்லை என்பதை நிரூபிக்கும் வகையில், ஒரு கணக்கில் பதிவிட்ட அதே பொய் மூட்டையை மற்றொன்றிலும் ஒரு எழுத்து மாறாமல் அப்படியே ‘காப்பி பேஸ்ட்’ செய்து பரப்பினர். “கனவு காணுவது கூட சொந்தமாக இல்லையா?” என்று மக்கள் இவர்களைப் பார்த்துச் சிரிக்கும் அளவுக்கு இணையதளங்களில் இவர்களின் போலி முகம் அம்பலமாகி நாறிப் போனது.
இத்தகைய தொடர்ச்சியான போலிப் பிரசாரங்கள் மற்றும் கீழ்த்தரமான உத்திகளைக் கையாளும் இந்தத் திராவிடப் பாரம்பரியக் கும்பல்கள் எத்தனை காலமானாலும் ஒருபோதும் திருந்தப் போவதில்லை என்பது மட்டும் திண்ணம். ஆட்சியில் இருந்தபோது மக்கள் பணத்தைச் சுரண்டிக் கொழுத்த இவர்கள், எதிர்க்கட்சி வரிசைக்கு வந்த பின்பும் தங்களின் அதிகாரப் பசிக்காகப் பச்சிளம் குழந்தைகளின் மரணத்தையும், போலி அவதூறுகளையும் மட்டுமே நம்பி அரசியல் நடத்துகிறார்கள். இவர்களது இந்த நச்சுத்தன்மை வாய்ந்த செயல்பாடுகளால், தமிழ்நாட்டு மக்களின் மனங்களில் இவர்களால் ஒருபோதும் மீண்டும் இடம் பிடிக்கவே முடியாது என்பதுதான் நிதர்சனமான உண்மை.
மக்களை ஏமாற்றி மீண்டும் கோட்டைக்குச் சென்றுவிடலாம் என்று இவர்கள் காணும் பகற்கனவு இனி ஒருபோதும் பலிக்கப் போவதில்லை. அடுத்தடுத்து வரவிருக்கும் தேர்தல்களிலும் மக்கள் இவர்களுக்கு மீண்டும் ஒருமுறை தகுந்த பாடத்தைப் புகட்டக் காத்துக்கொண்டிருக்கிறார்கள். தவெக அரசின் தூய்மையான நிர்வாகத்திற்கும், முதலமைச்சர் விஜய்யின் மக்கள் செல்வாக்கிற்கும் இணையாக நின்று அரசியல் செய்யத் துப்பில்லாமல், வதந்திகளின் பின்னால் ஒளிந்துகொள்ளும் இவர்களால் இனி தமிழகத்தில் ஆட்சிக் கட்டிலில் அமரவே முடியாது. இப்போதைய சூழலைப் பார்த்தால், இவர்கள் தங்களின் வாழ்நாள் முழுவதும் மாற்றுச் சக்திகளுக்குக் கீழே வெறும் எதிர்க்கட்சியாக மட்டுமே அமர்ந்து கூப்பாடு போட வேண்டியதுதான் இவர்களின் விதியாக அமையப் போகிறது.