கேட்ச் பிடித்ததும் ஸ்டெப் போட்ட கோலி

உலகின் முன்னணி கிரிக்கெட் வீரர் விராட் கோலி. இவர் களத்தில் இருந்தாலே சுவாரஸ்யத்திற்கு பஞ்சம் இருக்காது. அந்த வகையில், இலங்கை அணிக்கு எதிரான 2 ஆவது ஒருநாள் போட்டியின் போதும் விராட் கோலி செய்த சம்பவம் தற்போது வைரல் ஆகி வருகிறது.

இலங்கை – இந்தியா அணிகள் மோதும் 2 ஆவது ஒருநாள் போட்டியில் இலங்கை அணி முதலில் பேட்டிங் செய்தது. இந்த இன்னிங்ஸின் 27 ஆவது ஓவரின் போது அக்சர் பட்டேல் வீசிய பந்தை இலங்கை வீரர் சதீரா சமரவிக்ரம ஷாட் அடிக்க முயற்சித்தார்.

எனினும், பந்து சரியாக கனெக்ட் ஆகவில்லை. இதனால், அது கேட்ச் ஆக மாறியது. இந்த கேட்ச்-ஐ விராட் கோலி பின்பக்கம் நடந்து சென்று பிடித்தார். கேட்ச் பிடித்ததை விட அதற்கு பின் விராட் கோலி செய்த சம்பவத்தை யாரும் எதிர்பார்க்கவே இல்லை.

கேட்ச் பிடித்த மகிழ்ச்சியில் டக்-அவுட் நோக்கி பார்த்த விராட் கோலி அங்கிருந்த ரியான் பராக்-ஐ பார்த்து பிஹூ டேன்ஸ் ஸ்டெப் போட்டார். இது அசாம் மாநிலத்தின் பாரம்பரிய கலைகளில் ஒன்றாகும்.

இந்திய அணிக்கு விக்கெட் கிடைத்த மகிழ்ச்சியோடு, அதற்கு விராட் செய்த நடன அசைவுகள் ரசிகர்களுக்கு மேலும் மகிழ்ச்சியை கொடுத்தது. இது தொடர்பான வீடியோ சமூக வலைதளங்களில் அதிகம் பகிரப்பட்டு வருகிறது.