அடக்கொடுமையே… பச்சிளம் குழந்தையை விட்டுச்சென்ற மனைவி… அதுக்கு அவங்க சொன்ன காரணம் என்ன தெரியுமா..?

கணவன் கருப்பாக இருந்த காரணத்தினால் பெற்ற குழந்தையை மாமியார் வீட்டில் விட்டுவிட்டு மனைவி அம்மா வீட்டிற்கு சென்ற சம்பவம் பெரும் அதிர்ச்சியை ஏற்படுத்தி இருக்கின்றது.

மத்திய பிரதேசம் மாநிலம் குவாலியர் நகரை சேர்ந்த விஷால் என்பவர் அதே பகுதியை சேர்ந்த மற்றொரு பெண்ணிற்கும் கடந்த வருடம் திருமணம் நடைபெற்றது. விஷால் கருப்பாக இருப்பதால் திருமணமான முதலே மனைவி அவரை கிண்டல் செய்து வந்திருக்கின்றார். மேலும் நிறத்தை காரணமாக காட்டி இருவருக்கும் அடிக்கடி சண்டை வந்துள்ளது.

இதனிடையே விஷால் மனைவிக்கு கடந்த சில வாரங்களுக்கு முன்பு பெண் குழந்தை பிறந்தது. குழந்தையை தனது கணவன் வீட்டிலேயே விட்டுவிட்டு அந்த பெண் தாய் வீட்டிற்கு சென்று விட்டார். மனைவியை அழைத்து வருவதற்காக விஷால் அங்கு சென்றபோது தனது நிறத்தை காரணமாக காட்டி கணவருடன் திரும்ப வருவதற்கு மறுத்து இருக்கின்றார். இதையடுத்து விஷால் தனது தாயுடன் சென்று மகளிர் காவல் நிலையத்தில் புகார் அளித்துள்ளார்.

அதில் தான் கருப்பாக இருப்பதால் மனைவி தன்னை விட்டு பிரிந்து சென்று விட்டதாக தெரிவித்து இருக்கின்றார். இது தொடர்பான வழக்கு வரும் சனிக்கிழமை விசாரிக்கப்படும் என்றும், அதில் அவரின் மனைவிக்கு கவுன்சிலிங் கொடுக்கப்படும் என்று திட்டமிடப்பட்டுள்ளது. திருமணமாகி ஒரு குழந்தை உள்ள நிலையில் காரணமாக கூறி கணவனை மனைவி பிரிந்து சென்றுள்ள சம்பவம் அந்தப் பகுதியில் பெரும் அதிர்ச்சியை ஏற்படுத்தியிருக்கின்றது.