56 வயதில் ஸ்கைடிவிங் செய்த மத்திய அமைச்சர்… தைரியத்தை பாராட்டிய நெட்டிசன்கள்… வைரலாகும் வீடியோ…!

மத்திய அமைச்சர் கஜேந்திர சிங் செகாவத் ஸ்கைடிவிங் செய்து அசத்திய வீடியோவானது இணையத்தில் வெளியாகி வைரலாகி வருகிறது.

மத்திய சுற்றுலாத்துறை அமைச்சராக பணியாற்றி வரும் பாஜக மூத்த தலைவர் கஜேந்திர சிங் ஸ்கைடிவிங் செய்யும் வீடியோ இணையத்தில் வெளியாகி வைரலாகி வருகின்றது. இன்று உலக ஸ்கைடிவிங் தினம் கொண்டாடப்பட்டு வரும் நிலையில், அதனை ஊக்குவிப்பதற்காக 56 வயதான கஜேந்திர சிங் செகாவத் நார்நாவல் பகுதியில் நிபுணர்கள் உதவியுடன் ஸ்பைடர் டைவிங் செய்து இருக்கின்றார்.

மிகவும் பயத்தை ஏற்படுத்தக்கூடிய இந்த முயற்சியை அமைச்சர் துணிந்து செய்ததை பார்த்து நெட்டிசன்கள் பலரும் பாராட்டு வருகிறார்கள். இந்த அனுபவம் மிகவும் அருமையாக இருந்ததாக அவர் தெரிவித்திருந்தார். இவர் நடந்து முடிந்த பாராளுமன்ற மக்களவைத் தேர்தலில் ராஜஸ்தான் மாநிலம் ஜோத்பூரில் வேட்பாளராக வெற்றி பெற்றார். பாஜகவின் கடந்த ஆட்சியில் ஜல் சக்தி அமைச்சராக இருந்த இவர் தற்போது மத்திய சுற்றுலாத்துறை அமைச்சராக இருந்து வருகின்றார்.