பறக்கும் விமானத்தில் ஜாலியாக சிகரெட் பிடித்த நபர்!.. அதிர்ச்சி செய்தி….

பொதுவாக பலருக்கும் சிகரெட் மற்றும் மது அருந்தும் கெட்டப் பழக்கம் இருக்கிறது. சிலருக்கு இரண்டு பழக்கமும் இருக்கும். சிலருக்கு இதில் ஒன்று மட்டுமாவது இருக்கும். சிகரெட் குடிக்கும் பழக்கம் கொண்டவர்களில் பல வகை உண்டு. செயின் ஸ்மோக்கர் என சொல்லப்படும் தினமும் நான்கைந்து சிகரெட்டுகளை காலி செய்பவர்கள் இருக்கிறார்கள்.

டீ குடிக்கும்போது ஒரு சிகரெட், ஜூஸ் குடித்தால் ஒரு சிகரெட், உணவு அருந்தியபின் ஒரு சிகரெட், டென்ஷன் ஆனால் ஒரு சிகரெட் என பல காரணங்களுக்காகவும் அவர்கள் தொடர்ந்து சிகரெட் குடிப்பவர்களாக இருப்பார்கள். இதில், பலர் கழிவறைக்கும் போகும் போதும் கண்டிப்பாக சிகரெட் குடிப்பார்கள்.

இப்படித்தான் ஓடும் விமானத்தின் கழிவறையில் பயணி ஒருவர் சிகரெட் குடித்த சம்பவம் அதிர்ச்சியை ஏற்படுத்தி இருக்கிறது. நேற்று மாலை டெல்லியில் இருந்து மும்பைக்கு இண்டிகோ விமானம் ஒன்று சென்றது. அதில் மொத்தம் 176 பயணிகள் இருந்தனர்.

அப்போது விமானம் நடுவானில் பயணித்துகொண்டிருந்தபோது கழிவறையில் இருந்து புகை வந்தது. இதைக்கண்டதும் விமான பணிப்பெண்கள் அதிர்ச்சி அடைந்தனர். அந்த அறையிலிருந்து கலீல் கான் என்பவர் வெளியே வந்தார். அப்போதுதான் அவர் கழிவறையில் சிகரெட் பிடித்திருக்கிறார் என்பது தெரிய வந்தது.

அதன்பின் விமானம் மும்பை வந்த பின் கழிவறையில் அத்துமீறி புகைப்படத்தை கலீல் கான் பற்றி அதிகாரிகளிடம் சொல்லப்பட்டது. எனவே, விமான நிலைய அதிகாரிகள் அவர் மீது வழக்குப்பதிவு செய்து விசாரணை நடத்தி வருகிறார்கள்.