சட்னியில் உள்நீச்சல் அடித்த எலி… அலறி அடித்து ஓடிய மாணவர்கள்… வைரலாகும் வீடியோ…!

சட்னியில் எலி ஒன்று நீச்சல் அடித்த வீடியோவானது இணையத்தில் வெளியாகி பெறும் அதிர்வலையை ஏற்படுத்தியிருக்கின்றது.

தெலுங்கானாவில் சுல்தான்பூர் என்ற பகுதியில் ஜேஎன்டியுஹெச் என்கின்ற பொறியியல் கல்லூரி செயல்பட்டு வருகின்றது. இந்த கல்லூரி மாணவர்களால் பதிவு செய்யப்பட்ட வீடியோ தான் தற்போது இணையத்தில் வைரலாகி இருக்கிறது. லட்சுமி காந்த் என்பவரின் எக்ஸ் தளத்தில் இந்த வீடியோ வெளியாகி மிகப்பெரிய அதிர்ச்சி ஏற்படுத்தி இருக்கின்றது.

இந்த வீடியோவில் விடுதியில் இருக்கும் கேண்டினில் பெரிய பாத்திரம் ஒன்றில் சட்னி அரைத்து வைக்கப்பட்டுள்ளது. அதில் எலி ஒன்று நீந்துவதை நம்மால் பார்க்க முடிகின்றது. ஜேஎன்டியுஹெச் சுல்தான்பூர் கல்லூரியில் சட்னியில் எலி என்கின்ற தலைப்பில் வெளியான இந்த வீடியோவானது சுமார் 75 ஆயிரம் பார்வையாளர்களைக் கடந்து வைரலாகி வருகின்றது. இந்த வீடியோவை பார்த்த பலரும் தங்களது கருத்துக்களை பதிவிட்டு வருகிறார்கள்.

Rat in the "Chutney" in the JNTUH SULTANPUR.
What hygiene maintenance by the staff members is in a mess.@FoodCorporatio2 @examupdt @ABVPTelangana @NtvTeluguLive @hmtvnewslive @TV9Telugu @htTweets @KTRBRS @DamodarCilarapu @PawanKalyan @JanaSenaParty @Way2NewsTelugu pic.twitter.com/Es7bGLzRdP

— @Lakshmi Kanth (@330Kanth41161) July 8, 2024

அதில் ஒருவர் இது புதிதல்ல 2016 முதல் 2020 வரையில் தரமான உணவை எங்களுக்கு வழங்க வேண்டும் என்றும், ஒவ்வொரு நாளும் மெஸ் நிர்வாகத்திடம் நாங்கள் வாதிட்டு இருக்கின்றோம். ஆனால் கடைசிவரை எங்களுக்கு அது நடக்கவில்லை. தற்போதும் இது தொடர்வதை பார்ப்பதற்கு வருத்தமாக இருக்கின்றது என்று கூறி பதிவிட்டு இருந்தார்.

இந்த சம்பவம் தொடர்பாக சுகாதாரத்துறை அமைச்சர் தாமோதர் ராஜா நரசிம்ஹா முறையான விசாரணை நடத்த வேண்டும் என்று உத்தரவிட்டிருக்கின்றார். இந்த வீடியோவை பார்த்து மக்கள் பலரும் மாணவர்களுக்கு விடுதியில் இப்படிப்பட்ட உணவை வழங்கினால் அவர்களின் உடல்நலம் என்ன ஆவது என்று அதிர்ச்சியுடன் கேட்டு வருகிறார்கள்.