இதனால் தான் கோலி, ரோஹித், ஜடேஜா திடீர் ஓய்வா? தொடக்கமே அடித்தும் ஆடுகிறாரே கம்பீர்…

இந்திய அணி உலக கோப்பையை வாங்க காரணமாக இருந்த தலைமை பயிற்சியாளரான ராகுல் டிராவிட் மீண்டும் தொடராமல் போனதற்கு பின்னர் பல அரசியல் சிக்கல் இருப்பதாகவும் தகவல்கள் வெளியாகி இருக்கிறது.

டெஸ்ட் சாம்பியன்ஷிப் பைனல், 50 ஓவர் உலகக்கோப்பை பைனல் மற்றும் நடப்பு டி20 உலகக்கோப்பை சாம்பியன் என இந்திய அணியை வெற்றியின் பாதையில் நடத்தி சென்றவர் ராகுல் டிராவிட். இருந்தும் இந்திய அணியின் பயிற்சியாளர் இடத்தில் இருந்து விலக இருக்கிறார். இதற்கு அவர் குடும்ப பின்னணி காரணமாக கூறப்பட்டது. ஆனால் அது உண்மையில்லையாம்.

பாஜக ஆட்சியில் முன்னதாக எம்பியாக இருந்தவர் கௌதம் கம்பீர். கொஞ்சம் கோப முகம் கொண்ட கம்பீர் பாஜகவின் ஆதரவாளர் என்பதால் அவரை கிரிக்கெட்டின் தலைமை பயிற்சியாளராக கொண்டு வர பணிகள் நடந்து வந்தது. கம்பீரும் இதை விரும்பினார். இதனால் தான் அரசியலில் பிரேக் எடுத்து மீண்டும் கிரிக்கெட்டில் ஆர்வம் காட்டினார்.

டிராவிட் எப்போதும் ஒரு வீரரை நம்புவார். தொடர்ந்து அவருக்கு வாய்ப்பு கொடுப்பார். ஆனால் கம்பீர் அப்படி இல்லை. ஒருமுறை இல்லையென்றால் அடுத்த முறை வாய்ப்பு கிடைக்காது. இதன் காரணமாக அவர் வந்து அனுப்புவதற்கு பதில் தாங்களே சென்றுவிடலாம் என்று தான் விராட் கோலி, ரோகித் சர்மா, ஜடேஜா ஆகியோர் உடனே ஓய்வை அறிவித்தனர்.

கவுதம் கம்பீரின் இந்த தடாலடியை தான் பிசிசிஐயும் விரும்புகிறது. அதனால் தான் மீண்டும் டிராவிட்டுக்கு வாய்ப்பு கொடுக்காமல் கம்பீரை உள்ளே அழைத்து வருகிறது. இதனால் அடுத்து வரும் இந்திய போட்டிகளில் நிறைய மாற்றங்களை காண முடியும் என வல்லுநர்களிடம் பேச்சு எழுந்துள்ளது.