இந்த அணி முடிவு கிடைக்கும் வரை போராடும் – ரோகித் சர்மா

இந்தியா – நியூசிலாந்து அணிகள் இடையிலான இரண்டாவது டெஸ்ட் போட்டி பூனேவில் இன்று தொடங்குகிறது. பெங்களூருவில் நடைபெற்ற முதல் டெஸ்ட் போட்டியில் இந்திய அணி தோல்வியை தழுவிய நிலையில், இரண்டாவது டெஸ்ட் போட்டியில் வெற்றி பெறும் முனைப்பில் இந்திய அணி களமிறங்குகிறது.

இந்த நிலையில், பயிற்சியின் இடையில் பேசிய இந்திய கேப்டன் ரோகித் சர்மா, “இந்த அணி போராட வேண்டும் என்றும், போட்டியை திருப்பிக் கொடுக்க வேண்டும் என்றும் முடிந்தவரை போட்டியில் இருக்க வேண்டும் என்று நினைக்கிறது, அவ்வளவு எளிதில் எதிரணிக்கு வெற்றியை விட்டுவிடக்கூடாது என்று போராடுகிறது. இந்த விஷயம் எனக்கு பெருமையை கொடுக்கிறது.”

“களத்தில் வீரர்கள் இத்தகைய செயல்பாட்டை வெளிப்படுத்துவது சிறப்பான விஷயம். களத்தில் பேட் செய்யும் போது சுதந்திரம் மிக முக்கியம். அந்த வகையில் எங்களின் எண்ணம் தெளிவாக இருக்கிறது. போட்டியின் சூழல் எப்படி இருந்தாலும், நீங்கள் நம்பிக்கை வைக்கும் வரை வெற்றி கிடைக்காது. இதைப்பற்றிய பேச்சு, எண்ணம்தான் இந்த அணியிடம் இருக்கிறது.”

“நான் மீண்டும் மீண்டும் இதைத் தான் சொல்லப்போகிறேன். இந்த அணி அவ்வளவு எளிதில் விட்டுக்கொடுக்காது. நாங்கள் எல்லாம் முடியும் வரை தொடர்ந்து போராடிக் கொண்டே இருப்போம். பூனேவில் நடைபெறும் இரண்டாவது டெஸ்ட் போட்டியை எதிர்நோக்கியிருக்கிறேன். என்ன எதிர்பார்க்க வேண்டும் என்று எங்களுக்கு தெரியும். அணியாக நாங்கள் எங்கு இருக்கிறோம் என்று தெரியும்.”

“மிகவும் அமைதியான சூழலை வைத்திருப்பது மிகவும் முக்கியமானது. உறுதியாக இருந்து இரண்டாவது போட்டியில் எப்படி வெற்றி பெற வேண்டும் என்று பார்க்க வேண்டும்,” என்று தெரிவித்தார்.