60 மணி நேர பேக்கப், மிகக்குறைந்த விலை.. போட் இயர்பட்ஸ் அறிமுகம்

போட் நிறுவனத்தின் முற்றிலும் புதிய ட்ரூ வயர்லெஸ் இயர்பட்ஸ் இந்திய சந்தையில் அறிமுகம் செய்யப்பட்டது. புதிய போட் இயர்பட்ஸ் ஏர்டோப்ஸ் 131 எலைட் ANC என அழைக்கப்படுகிறது. இந்த இயர்பட்ஸ் நீண்ட நேர பேட்டரி பேக்கப் மற்றும் ஆக்டிவ் நாய்ஸ் கேன்சலேஷன் போன்ற பிரீமியம் அம்சங்களை கொண்டிருக்கிறது.

புதிய போட் ஏர்டோப்ஸ் 131 எலைட் ANC மாடலில் 13mm ஆடியோ டிரைவர்கள் உள்ளன. இவை சிறப்பான ஆடியோ அனுபவம் வழங்குகின்றன. இத்துடன் ப்ளூடூத் 5.3, கேமர்களுக்கு ஏற்ற பீஸ்ட் மோட் வசதி வழங்கப்பட்டு இருக்கிறது.

இந்த இயர்பட்ஸ்-இல் 32db வரையிலான நாய்ஸ் கேன்சலேஷன் வசதி உள்ளது. இத்துடன் குவாட் மைக் செட்டப் மூலம் என்விரான்மென்ட்டல் நாய்ஸ் கேன்சலேஷன் வசதி வழங்கப்படுகிறது. இது அழைப்புகளின் போது தெளிவான ஆடியோ அனுபவத்தை உறுதி செய்கிறது.

இந்த இயர்பட்ஸ் உடன் வழங்கப்படும் சார்ஜிங் கேஸ் 400mAh பேட்டரியும், இயர்பட்களில் 35mAh பேட்டரியும் உள்ளன. ஒருமுறை முழு சார்ஜ் செய்தால் இந்த இயர்பட்ஸ் 60 மணி நேரத்திற்கு பேக்கப் வழங்கும். இத்துடன் IPX5 தர வாட்டர் ரெசிஸ்டண்ட் வசதி உள்ளது.

மேலும் சாதனங்களுடன் அதிவேக இணைப்புக்காக IWP (Insta Wake N’ Pair) வசதி வழங்கப்பட்டுள்ளது. இவைதவிர இன்-இயர் டிடெக்ஷன், டச் கண்ட்ரோல்கள், கூகுள் அல்லது சிரி வாய்ஸ் அசிஸ்டண்ட் வசதி கொண்டிருக்கிறது.

விலை விவரங்கள்:

போட் ஏர்டோப்ஸ் 131 எலைட் ANC மாடல் ஆக்டிவ் பிளாக், ஆக்டிவ் டீல், ஆக்டிவ் வைட் மற்றும் டான் புளூ போன்ற நிறங்களில் கிடைக்கிறது. இத்துடன் 1 வருட வாரண்டி வழங்கப்படுகிறது. இந்தியாவில் இதன் விலை ரூ. 1499 என நிர்ணயம் செய்யப்பட்டு உள்ளது. விற்பனை போட் இந்தியா மற்றும் ப்ளிப்கார்ட் வலைதளங்களில் நடைபெறுகிறது.