சுதந்திர தின Vibes.. புது இயர்பட்ஸ் அறிமுகம் செய்த போட்

போட் நிறுவனம் இந்திய சந்தையில் புதிதாக நிர்வானா அயன் ANC இயர்பட்ஸ்-ஐ அறிமுகம் செய்தது. இந்த மாடல் இந்திய சுதந்திர தினம் மற்றும் அந்நிறுவனத்தின் ஐந்து கோடி மேட் இன் இந்தியா யூனிட்களை கொண்டாடும் வகையில் விசேஷமாக உருவாக்கப்பட்டு இருக்கிறது.

இந்தியாவில் டிசைன் செய்யப்பட்டுள்ள போட் நிர்வானா அயன் ANC மாடலில் இந்தியா தீம் கொண்ட நிறங்களால் அலங்கரிக்கப்பட்டுள்ளன. போட் நிறுவனம் ஐந்து கோடி மேட் இன் இந்தியா யூனிட்களை கொண்டாடும் வகையில் ராக் இன் இந்தியா திட்டத்தை துவங்கியுள்ளது.

இதன் அங்கமாகவே புதிய இயர்பட்ஸ் அறிமுகம் செய்யப்பட்டு உள்ளது. இந்த இயர்பட்ஸ் இந்தியாவின் பாரம்பரியத்தை பரைசாற்றும் வகையில் உருவாக்கப்பட்டு இருப்பதாக போட் நிறுவனம் தெரிவித்து இருக்கிறது. புதிய இயர்பட்ஸ் லிமிட்டெட் எடிஷன் முறையில், பயனர்களுக்கு பிரீமியம் அனுபவத்தை வழங்கும் என்று அந்நிறுவனம் தெரிவித்துள்ளது.

இன் இயர் டிசைன் கொண்டுள்ள போட் நிர்வானா அயன் ANC மாடலில், 10mm டிரைவர்கள், போட் சிக்னேச்சர் சவுண்ட் தொழில்நுட்பம், இரண்டு EQ மோட்கள், ஆக்டிவ் நாய்ஸ் கேன்சலேஷன் வசதி வழங்கப்பட்டு இருக்கிறது. இந்த தொழில்நுட்பம் வெளிப்புற சத்தத்தை அதிகபட்சம் 32db வரையில் குறைக்கும் திறன் கொண்டுள்ளது.

மேலும் இந்த இயர்பட்ஸ் மாடலில் குவாட் மிக்ஸ் ENx தொழில்நுட்பம் வழங்கப்பட்டு இருக்கிறது. இது மேம்பட்ட காலிங் அனுபவத்தை உறுதிப்படுத்துகிறது. இத்துடன் 60ms வரை லோ லேடன்சி வசதி, டைப் சி சார்ஜிங், இன்-இயர் டிடெக்ஷன், IPX4 தர வாட்டர் ரெசிஸ்டண்ட் வசதி வழங்கப்பட்டு இருக்கிறது.

இந்திய சந்தையில் புதிய போட் நிர்வானா அயன் ANC மாடலின் விலை ரூ. 3,499 என நிர்ணயம் செய்யப்பட்டு உள்ளது. விற்பனை போட் இந்தியா அதிகாரப்பூர்வ வலைதளத்தில் நடைபெறுகிறது.