போனுக்கு ₹40000 விலை குறைப்பு- நிஜமாவா?

கூகுள் நிறுவனத்தின் பிக்சல் 7 சீரிஸ் ஸ்மார்ட்போனுக்கு ப்ளிப்கார்ட் பிளாக்ஷிப் விற்பனையில் சிறப்பு சலுகைகள் வழங்கப்படுகிறது. பிக்சல் 7 ஸ்மார்ட்போனின் 128GB மமாடலின் விலை ரூ. 32,999 முதல் பட்டியலிடப்பட்டு உள்ளது. பிக்சல் 7 ப்ரோ மாடலின் 128GB மாடலின் விலை ரூ. 44,999 முதல் பட்டியலிடப்பட்டு இருக்கிறது.

இந்த இரு மாடல்களும் இதுவரை இந்த விலையில் விற்பனை செய்யப்பட்டதில்லை என்பது குறிப்பிடத்தக்கது. இந்திய சந்தையில் கூகுள் பிக்சல் 7 ஸ்மார்ட்போனின் 128GB மாடல் விலை ரூ. 59,999 ஆகும். ஆனால், இந்த மாடல் ரூ. 32,999 விலையில் பட்டியலிடப்பட்டு இருக்கிறது.

இது ஸ்மார்ட்போனின் உண்மை விலையை விட 45 சதவீதம் அதாவது ரூ. 27000 வரை குறைவு ஆகும். இதுதவிர ஐசிஐசிஐ கிரெடிட், டெபிட் கார்டுகளை பயன்படுத்தும் போது ரூ. 2000 வங்கி தள்ளுபடி வழங்கப்படுகிறது.

பிக்சல் 7 ப்ரோ ஸ்மார்ட்போனின் 128GB மெமரி மாடல் விலை ரூ. 84,999-இல் இருந்து ரூ. 44,999 என பட்டியலிடப்பட்டு இருக்கிறது. இது ஸ்மார்ட்போனின் உண்மை விலையை விட 47 சதவீதம் அதாவது ரூ. 40,000 வரை குறைவு ஆகும். இத்துடன் ஐசிஐசிஐ வங்கி கார்டு பயன்படுத்தும் போது ரூ. 2000 தள்ளுபடி வழங்கப்படுகிறது.

குறிப்பு: இந்த சலுகை குறுகிய காலத்திற்கு மட்டுமே அறிவிக்கப்பட்டு இருக்கிறது. இந்த விலை எப்போது வேண்டுமானாலும் மாற்றப்படும் என்று தெரிகிறது.

எனினும், ப்ளிப்கார்ட் வலைதளத்தில் இந்த சிறப்பு விற்பனை ஆகஸ்ட் 15 ஆம் தேதி வரை நடைபெற இருக்கிறது. இந்த விற்பனையின் போது பல்வேறு இதர ஸ்மார்ட்போன் மாடல்கள், அக்சஸரீக்கள் மற்றும் இதர பொருட்கள் மீதும் ஏராளமான சலுகைகள் வழங்கப்படுகிறது.