மலிவு விலை Poco போன்- பயங்கரமா இருக்கே!

போக்கோ நிறுவனத்தின் முற்றிலும் புதிய C சீரிஸ் ஸ்மார்ட்போன் C75 பெயரில் அறிமுகம் செய்யப்பட்டது. போக்கோ C75 என அழைக்கப்படும் புதிய ஸ்மார்ட்போனில் ரெட்மி பிராண்டு கடந்த ஆகஸ்ட் மாதம் அறிமுகம் செய்த ரெட்மி 14C ஸ்மார்ட்போனின் ரிபிராண்டு செய்யப்பட்ட வெர்ஷன் ஆகும்.

அம்சங்களை பொருத்தவரை புதிய போக்கோ C75 ஸ்மார்ட்போனில் 6.88 இன்ச் HD+ 720×1640 பிக்சல் ஸ்கிரீன் கொண்ட டிஸ்ப்ளே, மீடியாடெக் ஹீலியோ G81 அல்ட்ரா பிராசஸர், அதிகபட்சம் 8GB ரேம் வழங்கப்பட்டு இருக்கிறது. டூயல் சிம் ஸ்லாட் கொண்டிருக்கும் போக்கோ C75 ஸ்மார்ட்போன் ஆண்ட்ராய்டு 14 சார்ந்த ஹைப்பர் ஓஎஸ் கொண்டுள்ளது.

புகைப்படங்களை எடுக்க 50MP பிரைமரி கேமரா, ஆக்சிலரி லென்ஸ், 13MP செல்ஃபி கேமரா வழங்கப்பட்டு இருக்கிறது. மெமரியை பொருத்தவரை இந்த மாடல் 256GB ஸ்டோரேஜ் வழங்கப்படுகிறது. கனெக்டிவிட்டிக்கு 4ஜி எல்.டி.இ., டூயல் பேண்ட் வைபை, ப்ளூடூத் 5.4, என்.எஃப்.சி., 3.5mm ஹெட்போன் ஜாக், யு.எஸ்.பி. டைப் சி போர்ட் வழங்கப்பட்டு இருக்கிறது.

இந்த ஸ்மார்ட்போனின் பக்கவாட்டில் கைரேகை சென்சார் வழங்கப்பட்டு இருக்கிறது. இத்துடன் 5160mAh பேட்டரி மூலம் சக்தியூட்டப்படுகிறது. இந்த ஸ்மார்ட்போனுடன் சார்ஜர் வழங்கப்படவில்லை. இதன் மொத்த எடை 204 கிராம்கள் ஆகும்.

புதிய போக்கோ C75 ஸ்மார்ட்போன் பிளாக், கோல்டு மற்றும் கிரீன் நிறங்களில் கிடைக்கிறது. இதன் விலை அறிமுக சலுகையாக இந்திய மதிப்பில் ரூ. 9,170 என துவங்குகிறது.