₹198-க்கு அன்லிமிட்டெட் 5ஜி டேட்டா.. மாஸ் காட்டிய ஜியோ!

ரிலையன்ஸ் ஜியோ நிறுவனம் சத்தமின்றி முற்றிலும் புதிய அன்லிமிட்டெட் ரீசார்ஜ் சலுகையை அறிவித்து இருக்கிறது. பிரீபெயிட் பயனர்களுக்கு அறிவிக்கப்பட்டு இருக்கும் புதிய சலுகை குறைந்த விலையில் அன்லிமிட்டெட் 5ஜி டேட்டா வழங்குகிறது.

ரூ. 198 விலையில் கிடைக்கும் புதிய ஜியோ ரீசார்ஜ் செய்யும் போது பயனர்கள் அன்லிமிட்டெட் வாய்ஸ் கால், அன்லிமிட்டெட் 5ஜி டேட்டா மற்றும் பல்வேறு ஜியோ செயலிகளை பயன்படுத்துவதற்கான சந்தா வழங்கப்படுகிறது. சமீபத்தில் ஜியோ உள்பட பல்வேறு டெலிகாம் நிறுவனங்களும் தங்களது சேவை கட்டணத்தை உயர்த்திய நிலையில், இந்த சலுகை தற்போது அறிவிக்கப்பட்டு இருக்கிறது.

இந்தியாவில் ஜியோ வலைதளத்தில் அப்டேட் செய்யப்பட்டுள்ள புதிய ரூ. 198 சலுகை அன்லிமிட்டெட் 5ஜி ரீசார்ஜ்கள் பட்டியலில் நிலைநிறுத்தப்பட்டு உள்ளது. புதிய ஜியோ பிரீபெயிட் ரீசார்ஜ் செய்யும் போது பயனர்களுக்கு தினமும் 2GB 4ஜி டேட்டா வழங்கப்படுகிறது. இது சலுகையில் மொத்தமாக 28GB டேட்டா ஆகும். தினசரி டேட்டா அளவு தீர்ந்ததும் டேட்டா வேகம் நொடிக்கு 64Kbps ஆக குறைந்துவிடும்.

டேட்டா மட்டுமின்றி இந்த சலுகையில் அன்லிமிட்டெட் வாய்ஸ் கால், தினமும் 100 எஸ்எம்எஸ் வழங்கப்படுகிறது. இதோடு ஜியோ கிளவுட், ஜியோ டிவி மற்றும் ஜியோ சினிமா போன்ற செயலிகளுக்கு சந்தா வழங்கப்படுகிறது. எனினும், இதில் ஜியோ சினிமா பிரீமியம் சந்தா இடம்பெறவில்லை. இந்த சலுகை 14 நாட்கள் வேலிடிட்டி கொண்டது ஆகும்.