ஒன்றல்ல ஏழு.. புதிய பிரீபெயிட் திட்டங்களை அறிவித்த வோடபோன் ஐடியா

வோடபோன் ஐடியா நிறுவனம் ஏழு புதிய பிரீபெயிட் திட்டங்களை சத்தமின்றி அறிவித்து இருக்கிறது. பிரீபெயிட் சேவையை பயன்படுத்தும் வாடிக்கையாளர்கள் எண்ணிக்கையை அதிகப்படுத்தும் நோக்கிலும், 4ஜி டேட்டா பயன்படுத்துவோர் எண்ணிக்கையை அதிகப்படுத்தும் நோக்கிலும் இவை அறிவிக்கப்பட்டு இருக்கின்றன.

ஏழு புதிய வோடபோன் ஐடியா திட்டங்களில் இரண்டு பிரீபெயிட் திட்டங்கள் அன்லிமிடெட் இரவு நேர டேட்டா பலனுடன் வழங்கப்படுகிறது. இதுபோன்ற டேட்டா திட்டங்களை வேறு எந்த நிறுவனங்களும் வழங்கவில்லை. அதன்படி இவை பிரத்யேக திட்டங்கள் என்று கூறலாம்.

#vodafone

வோடபோன் ஐடியா ரூ. 1999 விலை திட்டத்தில் வாடிக்கையாளர்களுக்கு மொத்தம் 250 நாட்கள் வேலிடிட்டி வழங்கப்படுகிறது. இதில் தினமும் 1.5 ஜிபி டேட்டா, அன்லிமிடெட் வாய்ஸ் காலிங், தினமும் 100 எஸ்.எம்.எஸ். உள்ளிட்ட பலன்கள் வழங்கப்படுகிறது. இவைதவிர இந்த பிரீபெயிட் திட்டத்தில் வேறு எந்த பலன்களும் வழங்கப்படவில்லை. ரூ. 1999 பிரீபெயிட் திட்டம் நாடு முழுக்க வாடிக்கையாளர்களுக்கு வழங்கப்படுகிறது.

ரூ. 198 வோடபோன் ஐடியா திட்டம் தற்போதைக்கு மும்பையில் மட்டுமே வழங்கப்படுகிறது. இது 30 நாட்கள் வேலிடிட்டி கொண்டுள்ளது. இதில் ரூ. 198 மதிப்புள்ள டாக்டைம் மற்றும் 500 எம்பி டேட்டா வழங்கப்படுகிறது. ரூ. 204 பிரீபெயிட் திட்டமும் மும்பையில் மட்டுமே வழங்கப்படுகிறது. இதில் ரூ. 204 மதிப்பிலான டாக்டைம், 500 எம்பி டேட்டா வழங்கப்படுகிறது. ரூ. 198 மற்றும் ரூ. 204 பிரீபெயிட் திட்டங்களில் அழைப்புகளுக்கான கட்டணம் நொடிக்கு 2.5 பைசா என்று நிர்ணயம் செய்யப்பட்டு உள்ளது.

இவை தவிர மேலும் இரண்டு பிரீபெயிட் திட்டங்கள் மும்பையில் மட்டுமே வழங்கப்படுகின்றன. இவற்றின் விலை ரூ. 224 மற்றும் ரூ. 232 என்று நிர்ணயம் செய்யப்பட்டு உள்ளன. இவை 30 நாட்கள் வேலிடிட்டி கொண்டுள்ளன. ரூ. 224 வோடபோன் ஐடியா திட்டத்தில் அன்லிமிடெட் வாய்ஸ் காலிங், 4 ஜிபி டேட்டா வழங்கப்படுகிறது. இதில் எஸ்.எம்.எஸ். பலன்கள் வழங்கப்படவில்லை.

#vodafone

ரூ. 232 வோடபோன் ஐடியா பிரீபெயிட் திட்டத்தில் 4 ஜிபி டேட்டா, அன்லிமிடெட் வாய்ஸ் காலிங் வழங்கப்படுகிறது. இந்த திட்டத்திலும் எஸ்.எம்.எஸ். பலன்கள் வழங்கப்படவில்லை. இவற்றுடன் ரூ. 17 மற்றும் ரூ. 57 விலையில் புதிய டேட்டா வவுச்சர்கள் வழங்கப்படுகின்றன.

ரூ. 17 வவுச்சரில் இரவு 12 மணி முதல் அதிகாலை 6 மணி வரை அதிவேக அன்லிமிடெட் டேட்டா வழங்கப்படுகிறது. இது ஒரு நாள் வேலிடிட்டி கொண்ட திட்டம் ஆகும். வோடபோன் ஐடியா ரூ. 57 விலை திட்டம் நள்ளிரவு 12 மணி முதல் அதிகாலை 6 மணி வரை அன்லிமிடெட் டேட்டா வழங்கப்படுகிறது. ரூ. 17 மற்றும் ரூ. 57 விலை திட்டங்கள் நாடு முழுக்க வழங்கப்படுகிறது.