அண்மையில் சென்னை அண்ணா அறிவாலயத்தில் ஆளுங்கட்சியான திமுக சார்பில் நடைபெற்ற ஒரு பிரம்மாண்டமான மகளிர் அணி மற்றும் இளைஞரணி கூட்டம் ஒட்டுமொத்த தமிழக அரசியல் களத்திலும் பெரும் விவாதப் பொருளாக மாறியுள்ளது. அங்கே கூடின பிரம்மாண்ட கூட்டத்தை உற்றுநோக்கும்போது, அது ஏதோ கொள்கை ரீதியாகவோ அல்லது கட்சியின் மீதான தீவிர பற்றின் காரணமாகவோ கூடிய கூட்டம் போல் தெரியவில்லை. முந்தைய தேர்தல்களில் பணத்தை கொடுத்து கூட்டத்தை கூட்டிய பாரம்பரியத்தை கடந்து, இந்த முறை வந்தவர்களுக்கு எல்லாம் ‘வாட்ச் ஃப்ரீ’ வழங்கப்படும் என்ற அதிரடி டோக்கன் ஆஃபர் தான் அந்த அசுரத்தனமான கூட்டத்திற்கு காரணம் என்று பரவலாக பேசப்படுகிறது. அரசியல் சுயலாபத்திற்காக மக்களை இப்படி இலவசங்களின் பின்னால் அலையவிடும் திமுகவின் இந்த புதிய உத்தி, அறிவார்ந்த அரசியல் விமர்சகர்கள் மற்றும் சமூக ஆர்வலர்கள் மத்தியில் கடும் அதிர்ச்சியை ஏற்படுத்தியுள்ளது.
இந்த கூட்டத்தின் பின்னணியில் நடந்த சுவாரஸ்யமான மற்றும் வேதனையான சம்பவங்கள் தற்போதைய ஆளுங்கட்சியின் நிர்வாக திறமையின்மையை அப்படியே வெளிச்சம் போட்டு காட்டுகின்றன. கூட்டம் முடிந்து வெளியேறிய மக்களில் பெரும்பாலானோர் அங்கே வைக்கப்பட்டிருந்த அட்டப்பட்டிகளையும், தடுப்புகளையும் தூக்கி எறிந்துவிட்டு, “இங்க ஒண்ணுமே இல்லைம்மா, எல்லாரும் ஏமாத்திட்டாங்க” என்று கூச்சலிட்டுக் கலைந்து சென்ற காட்சிகளை சமூக வலைதளங்களில் பலரும் பகிர்ந்து வருகின்றனர். அதே சமயம், தூரத்து மாவட்டங்களில் இருந்து அழைத்து வரப்பட்ட சில பெண்களோ, “நாங்கள் இவ்வளவு தூரம் வந்துட்டோம், எங்களுக்கு சொன்னபடி வாட்ச் தந்தே ஆகணும்” என்று திமுக நிர்வாகிகளுடன் வாக்குவாதத்தில் ஈடுபட்டனர். ஒரு சாதாரண கடிகாரத்தை வாங்குவதற்காக தங்களின் சுயமரியாதையையும் நேரத்தையும் இழந்து மக்கள் முண்டியடித்துக் கொண்டு நின்ற இந்த அவல நிலை, தற்போதைய திராவிட மாடல் ஆட்சியின் உண்மையான பொருளாதார லட்சணத்தைக் காட்டுவதாக எதிர்க்கட்சிகள் குற்றம் சாட்டுகின்றன.
தேர்தலுக்கு முன்பாக மேடைகளில் பேசும்போது, “திமுக தொண்டர்களும், தமிழ்நாட்டு மக்களும் எவ்வளவு பெரிய அரசியல் படுத்தப்பட்ட கூட்டம் தெரியுமா? எவ்வளவு பெரிய பண்பாடு நிறைந்த அறிவு ஜீவிகள் தெரியுமா?” என்று வாய்கிழிய பேசிய திமுக தலைமைகளின் முகத்திரை இப்போது கிழிந்து தொங்குகிறது. ஐந்து வருட ஆட்சி காலத்தில் மக்களுக்கு தரமான வேலைவாய்ப்பையோ, பொருளாதார முன்னேற்றத்தையோ தராமல், ஒரு சாதாரண கடிகாரத்தை கூட தங்களின் சொந்த பணத்தில் வாங்க முடியாத வறுமை நிலைக்கு மக்களை மாற்றி வைத்திருப்பதுதான் இந்த ஆட்சியின் மாபெரும் சாதனையா என்ற கேள்வியை சவுக்கு சங்கர் உள்ளிட்ட பல சுயாதீன ஊடகவியலாளர்கள் மிக அழுத்தமாக எழுப்பியுள்ளனர். தங்களின் அடிப்படை தேவைகளுக்காகக்கூட ஆளுங்கட்சியின் இலவச டோக்கன்களை மக்கள் நம்பியிருக்க வேண்டிய சூழலை உருவாக்கியதே இந்த சிஸ்டத்தின் மிகப்பெரிய தோல்வியாகும்.
அதே போன்றதொரு ‘வாட்ச் சென்டிமென்ட்’ மற்றும் ஆடம்பர கலாச்சாரத்தை அடித்தட்டு நுகர்வோர் மற்றும் திமுகவின் ‘ஜென்சி’ இளைஞர்கள் மத்தியிலும், மகளிரணி கூட்டத்திலும் திணித்து, அவர்களை ஏமாற்றி கூட்டத்தைக் கூட்ட திமுக தலைமை இந்த மலிவான உத்தியை கையாண்டுள்ளது அப்பட்டமாக தெரிகிறது. கொள்கை பேசி ஓட்டு வாங்கிய காலம் போய், இப்போது வாட்ச் கொடுத்தால்தான் கூட்டமே வரும் என்ற பரிதாப நிலைக்கு திமுக தள்ளப்பட்டிருப்பது அவர்களின் வீழ்ச்சியின் ஆரம்பத்தை காட்டுகிறது. இந்த இலவச கடிகார அரசியலின் மூலம் மக்களின் கவனத்தை திசை திருப்பி, மின்வெட்டு மற்றும் சட்டம் ஒழுங்கு சீர்கேடு போன்ற முக்கியப் பிரச்சினைகளில் இருந்து தப்பிக்கலாம் என்று ஆளுங்கட்சி கணக்கு போடுகிறது.
முடிவாக, தற்போதைய டிஜிட்டல் மற்றும் சமூக ஊடக யுகத்தில் ஆளுங்கட்சியின் இத்தகைய தகிடுதத்தங்களை மக்கள் வெறும் வேடிக்கை மட்டும் பார்த்துக் கொண்டிருக்கப் போவதில்லை. “ஓடவும் முடியாது, ஒளியவும் முடியாது” என்ற உலகநாயகனின் பிக்பாஸ் வசனத்தைப் போல, தமிழ்நாட்டு மக்கள் ஆளுங்கட்சியின் ஒவ்வொரு நகர்வையும், ஊழல் விவகாரங்களையும் மிகவும் உன்னிப்பாக ‘வாட்ச்’ பண்ணிக்கொண்டுதான் இருக்கிறார்கள். இன்னும் பிக்பாஸ் சீசன் 10 வந்தாலுமே கூட, மக்கள் தங்களின் உரிமைகளுக்காகவும், இந்த இலவச ஏமாற்று வேலைகளுக்கு எதிராகவும் தொடர்ந்து கேள்வி கேட்டுக்கொண்டேதான் இருப்பார்கள். வரும் தேர்தல்களில் இந்த ‘வாட்ச் அரசியல்’ உத்திக்கு மக்கள் தங்களின் வாக்குகள் மூலம் தகுந்த சாட்டையடிப் பதிலைக் கொடுப்பார்கள் என்பது மட்டும் திண்ணம்.