ஆவின் நிறுவனத்தில் தற்காலிக பணி…! கை நிறைய சம்பளம்..!

பொதுவாக தற்காலிக பணி என்றாலே பெரும்பாலானோர் விரும்ப மாட்டார்கள். ஆனால் கைநிறைய சம்பளம் கிடைத்தால் விடவும் மாட்டார்கள். அந்த வகையில் கன்னியாகுமரி மாவட்டத்தில் உள்ள ஆவின் பால் நிறுவனத்தில் ஒரு காலிப்பணியிடம் உள்ளது.

கால்நடை ஆலோசகர் பதவிக்கான இநதக் காலிப்பணியிடம் 1 மட்டுமே. விருப்பம் உள்ளவர்கள் இந்தப் பதவிக்கு விண்ணப்பிக்கலாம். ஆனால் தற்காலிக ஒப்பந்த பணி என்பது மட்டும் அறிவிப்பில் தெளிவாகக் கொடுக்கப்பட்டுள்ளது.

இதற்கான சம்பளம் மாதம் ரூ.43000 (அனைத்து அலவன்ஸ்களும் உள்பட) இதற்கு அங்கீகரிக்கப்பட்ட கல்லூரி அல்லது பல்கலைக்கழகத்தில் B. V. Sc & AH முடித்திருக்க வேண்டும். இன்னொரு முக்கியமான விஷயம். இவர்கள் கால்நடை மருத்துவராக பதிவு செய்திருக்க வேண்டும்.

தமிழ் எழுத, படிக்கத் தெரிய வேண்டும். கிராமப்புற பால்பண்ணை தொழிலில் அனுபவம் இருந்தால் அவர்களுக்கு முன்னுரிமை உண்டு. அடிப்படையான கணினி அறிவு இருப்பது அவசியம். டிரைவிங் லைசென்ஸ் மற்றும் இருசக்கர வாகனம் கண்டிப்பாக வைத்திருக்க வேண்டும்.

தகுதிவாய்ந்தவர்கள் தங்களது பயோடேட்டா மற்றும் கல்வி சான்றிதழ் ஆகியவற்றைப் பத்திரமாக எடுத்துக் கொண்டு மே.17 அன்று காலை 11.30 மணி அளவில் நடைபெறும் நேர்காணலில் கலந்து கொள்ள வேண்டும்.

இந்த நேர் காணல் கன்னியாகுமரி மாவட்ட ஆவின் பால் அலுவலகத்தில் நடைபெறும். முகவரி: Kanyakumari District Coop. Milk Producers’ Union Limited, K.P Road, Nagercoil -3″ with original certificates. TA/DA will not be provided to the candidates.

AAVIN Kanyakumari Notification