விஜய் பிறந்தநாள் விழாவில் விபத்து!. சிறுவன் கையில் பற்றிய தீ!.. 2 பேர் மருத்துவமனையில் அனுமதி…

நடிகரும் தமிழக வெற்றிக் கழகத்தின் தலைவருமான விஜய்க்கு இன்று ஜூன் 22ம் தேதி பிறந்தநாள். விஜய் அரசியலுக்கு வருவதாக அறிவித்திருப்பதால் இந்த வருடம் அவரின் பிறந்தாளை அவரின் ரசிகர்கள் விமர்சையாக கொண்டாட திட்டமிட்டுள்ளனர். ஆனால், கள்ளக்குறிச்சியில் விஷச்சாராயம் இருந்து 50க்கும் மேற்பட்டோர் உயிரிழந்துள்ள நிலையில், எனது பிறந்தநாளை கொண்டாட வேண்டாம். பாதிக்கப்பட்ட மக்களுக்கு உதவி செய்யுங்கள் என விஜய் தெரிவித்தார்.

ஆனாலும், அவரின் ரசிகர்கள் அதை கேட்கவில்லை. தமிழகத்தின் பல இடங்களிலும் விஜயின் பிறந்தநாளை அவர்கள் கொண்டாடி வருகின்றனர். இந்நிலையில், சென்னை நீலாங்கரை புறநகர் மாவட்ட தலைவர் சரவணன் ஏற்பாடு செய்த விஜய் பிறந்தநாள் நிகழ்ச்சியில் இருவருக்கு காயம் ஏற்பட்டது.

சாகச நிகழ்ச்சி நடந்தபோது அதை செய்து காட்டிகொண்டிருந்த சிறுவனின் கையில் தீ பற்றிக்கொண்டது. எனவே, அருகிலிருந்த ஒருவர் அதை அணைக்க முயன்றார். அப்போது அவரின் கையில் இருந்த பெட்ரோலும் தவறி சிறுவனின் கையில் கொட்டியதால் தீ பிடித்துகொண்டது. இதனால் அணைக்க முயன்றவர் கையிலும் பலத்த தீக்காயம் ஏற்பட்டது.

தற்போது இருவரும் மருத்துவமனையில் அனுமதிக்கப்பட்டனர். இந்த வீடியோ வெளியாகி பலரையும் அதிர்ச்சியடைய வைத்திருக்கிறது. இதைத்தொடர்ந்து ‘இது தேவையில்லாத வேலை. தேவையில்லாமல் விஜயின் பெயரை கெடுக்கும் இது போன்ற சம்பவங்களை தவிர்க்கலாம். இதுபோன்ற விஷயங்கள் பிறந்தநாள் அதுவுமாக விஜயின் மனதை காயப்படுத்தும்’ என விஜயின் ரசிகர்களே பதிவிட்டு வருகின்றனர்.