தமிழக வெற்றிக் கழகத்தின் தலைவர் விஜய், அரசியல் ரீதியாகத் தனிமைப்படுத்தப்பட்டுள்ளதாகவும், அவர் விரைவில் அரசியலை விட்டு விலகுவார் என்றும் அரசியல் விமர்சகர் சவுக்கு சங்கர் தனது சமீபத்திய வீடியோவில் பரபரப்பு கருத்துக்களைத் தெரிவித்துள்ளார்.
அந்த ‘பென்குயின்’ வைரல் வீடியோ பின்னணி:
சமூக வலைதளங்களில் சமீபத்தில் வைரலான ஒரு வீடியோவில், ஒரு பென்குயின் தனது கூட்டத்துடன் செல்லாமல் திசைமாறி, தன் உயிரை மாய்த்துக் கொள்ளும் வகையில் தனியாகச் செல்லும். இந்த வீடியோவைச் சுட்டிக்காட்டிய சவுக்கு சங்கர், தற்போது விஜய்யின் நிலையும் கிட்டத்தட்ட அதேதான் என்று விமர்சித்துள்ளார்.
அரசியல் தனிமை:
விஜய் தற்போது யாரிடமும் பேசாமல் அமைதியாக இருப்பதாகத் தோன்றினாலும், அவர் திட்டமிட்டு அரசியல் ரீதியாகத் தனிமைப்படுத்தப்பட்டுள்ளார்.
விசில் அடிக்கும் பென்குயின்: “அந்தப் பென்குயின் சும்மா போச்சு, இந்தப் பென்குயின் (விஜய்) விசில் அடித்துக்கொண்டே போகும்” என்று கிண்டலாகக் கூறியுள்ளார்.
கட்சி கலைப்பு?:
இன்னும் இரண்டு மாத காலத்திற்குள் விஜய் தனது கட்சியைத் தானாகவே கலைத்துவிட்டு அரசியலை விட்டுச் செல்லும் சூழல் உருவாகும் என அவர் கணித்துள்ளார். இந்த நிலைமை உண்மையா இல்லையா என்பது ஏப்ரல் இறுதியில் அல்லது மே முதல் வாரத்தில் அனைவருக்கும் தெரிந்துவிடும் என்று அவர் சவால் விடுத்துள்ளார்.
சமூக வலைதளங்களில் விவாதம்:
சவுக்கு சங்கரின் இந்த “பென்குயின்” ஒப்பீடு விஜய் ரசிகர்களிடையே கொந்தளிப்பை ஏற்படுத்தியுள்ளது. 2026 சட்டமன்றத் தேர்தலை நோக்கி விஜய் காய் நகர்த்தி வரும் வேளையில், சவுக்கு சங்கரின் இந்தக் கணிப்பு பலிக்குமா அல்லது வெறும் அரசியல் கிண்டலாக முடிந்துவிடுமா என்பதைப் பொறுத்திருந்துதான் பார்க்க வேண்டும்.