ஸ்போர்ட் வாட்ச் வாங்க போறீங்களா..? உங்களுக்காக அறிமுகமானது ‘Cult sport Ranger XR’ ஸ்மார்ட்வாட்ச்..!

கல்ட்.ஸ்போர்ட் (Cult.sport) என்ற ஸ்போர்ட்ஸ் பிராண்டானது, விளையாட்டு மற்றும் உடற்பயிற்சி ஆர்வலர்களை இலக்காகக் கொண்டு, அதன் புதிய ஸ்மார்ட்வாட்சான, ரேஞ்சர் எக்ஸ்ஆர் -ஐ (Ranger XR) அறிமுகப்படுத்தியுள்ளது. இந்த ஸ்மார்ட்வாட்ச் ஒரு உறுதியான, முரட்டுத்தனமான வடிவமைப்பைக் கொண்டுள்ளது.

டிஸ்பிளே:

ரேஞ்சர் எக்ஸ்ஆர் ஸ்மார்ட்வாட்ச் ஆனது 100க்கும் மேற்பட்ட வாட்ச் ஃபேஸ்களுடன் கூடிய 1.43 இன்ச் அளவுள்ள அமோலெட் டிஸ்பிளேவைக் கொண்டுள்ளது. ப்ளூடூத் காலிங் வசதியுடன் கூடிய டயல் பேட் உள்ளது. இதனால் பயனர்கள் நேரடியாக வாட்சில் இருந்து கால் செய்ய முடியும்.

உடல்நிலை கண்காணிப்பு வசதி:

இதில் மற்ற ஸ்மார்ட்வாட்ச்களில் இருப்பது பல்வேறு உடல்நலத்தைக் கண்காணிக்கும் அம்சங்களை கொண்டுள்ளது. அதன்படி, ஹார்ட் ரேட் மானிட்டர், SpO2 மானிட்டர், ஸ்லீப் டைமர், ஸ்டெப்  கவுண்டர், கலோரி கவுண்டர் மற்றும் ஸ்லீப் கவுண்டர் போன்றவை அடங்கும்.

CultsportRangerXR

பேட்டரி & பிற அம்சங்கள்:

இதுதவிர, 70க்கும் மேற்பட்ட ஸ்போர்ட் மோட்களைக் கொண்டுள்ளது. டிஜிட்டல் கால்குலேட்டர், பிஎம்ஐ கால்குலேட்டர், அலாரம் கடிகாரம் போன்றவையும் உள்ளது. இதில் இருக்கும் பேட்டரி ஆனது  10 நாட்கள் பேட்டரி ஆயுளை வழங்குகிறது. குறிப்பாக, வாட்சை ஸ்மார்ட்போனில் இருக்கும் கல்ட் ஸ்போர்ட் வாட்ச் ஆப் மூலம் இணைத்துக்கொள்ளலாம்.

விலை:

கல்ட்.ஸ்போர்ட் ஸ்போர்ட் ரேஞ்சர் எக்ஸ்ஆர் ஸ்மார்ட்வாட்ச் ஆனது நீலம், கருப்பு, பச்சை மற்றும் வெள்ளை நிறங்களில் கிடைக்கிறது. இதன் ஆரம்ப விலையானது இந்தியாவில்ரூ. 2,999 ஆகும். இதனை நிறுவனத்தின் இணையதளம் மற்றும் அமேசானில் வாங்கிக்கொள்ளலாம்.