ரூ. 10,999 விலையில் QLED டிவி.. இன்ஃபினிக்ஸ் நிறுவனத்தின் தரமான சம்பவம்..!

இன்ஃபினிக்ஸ் நிறுவனம் இந்திய சந்தையில் பல்வேறு டீசர்களை தொடர்ந்து W1 சீரிஸ் QLED டிவி மாடல்களை அறிமுகம் செய்து இருக்கிறது. இரண்டு புதிய டிவி மாடல்களிலும் வெப் ஒஎஸ் வழங்கப்பட்டு இருக்கின்றன.

புதிய 32-இன்ச் HD ரெடி மற்றும் 43-இன்ச் 4K OLED மாடல்கள் குவாண்டம் டாட்களை கொண்டு கிட்டத்தட்ட அசலாக காட்சியளிக்கும் விஷூவல்களை வெளிப்படுத்துகிறது. இதன் 4K மாடலுடன் ஏர் மவுஸ், வீல் கன்ட்ரோல் மற்றும் யுனிவர்சல் கன்ட்ரோல் கொண்ட மேஜிக் ரிமோட் வழங்கப்படுகிறது. இதை கொண்டு எளிதில் நேவிகேஷன் செய்ய முடியும்.

Infinix-W1-Smart-TV-1

இன்ஃபினிக்ஸ் W1 HD ரெடி டிவி மாடலை வாங்கும் போது கூடவே ஸ்டான்டர்டு IR ரிமோட் வழங்கப்படுகிறது. இதில் உள்ள ஹோம் டேஷ்போர்டு அம்சம் கொண்டு இதர ஸ்மார்ட் சாதனங்களை எளிதில் கட்டுப்படுத்த முடியும். இது சென்ட்ரல் ஹப் போன்று செயல்பட்டு, செட்டிங்ஸ்-ஐ அட்ஜஸ்ட் செய்து, சாதனத்தை கண்கானித்தல், கட்டுப்படுத்தல் உள்ளிட்ட ஆப்ஷன்களை இயக்க முடியும்.

இன்ஃபினிக்ஸ் W1 QLED டிவி அம்சங்கள் :

32-இன்ச் 1366×768 பிக்சல் HD ரெடி QLED டிஸ்ப்ளே
43-இன்ச் 3840×2160 பிக்சல் 4K QLED டிஸ்ப்ளே
குவாட் கோர் பிராசஸர், IMG BXE4 GPU
1 ஜிபி ரேம்
8 ஜிபி ஸ்டோரேஜ்
வெப் ஒஎஸ்
நெட்ஃப்ளிக்ஸ், பிரைம் வீடியோ, டிஸ்னி பிளஸ் ஹாட்ஸ்டார், யூடியூப், பல்வேறு செயலிகள்
மேஜிக் ரிமோட் மற்றும் வாய்ஸ், ஜெஸ்ட்யூர் கண்ட்ரோல் (4K மாடலில் மட்டும்)
டூயல் பேன்ட் வைபை, 3xHDMI, 2xUSB, 1RF
ஹெட்போன் ஜாக்
20 வாட் (2×10 வாட்) ஸ்பீக்கர்கள்
டால்பி ஆடியோ

Infinix-W1-Smart-TV-2

விலை மற்றும் விற்பனை விவரங்கள் :

இன்ஃபினிக்ஸ் W1 32-இன்ச் HD ரெடி QLED டிவி விலை ரூ. 10 ஆயிரத்து 999 என்றும் 43 இன்ச் 4K மாடல் விலை ரூ. 20 ஆயிரத்து 999 என்று நிர்ணயம் செய்யப்பட்டு உள்ளது. இரண்டு புதிய டிவி மாடல்களின் விற்பனை ஆகஸ்ட் 2 ஆம் தேதி துவங்க இருக்கிறது. விற்பனை ப்ளிப்கார்ட் வலைதளத்தில் நடைபெறுகிறது.