இஸ்ரோவில் வேலை வேண்டுமா..? மாதம் ரூ.9,000 முதல்..இந்த வாய்ப்பை தவற விடாதீங்க..!

பட்டதாரி பயிற்சியாளர்கள் மற்றும் தொழில்நுட்ப பயிற்சியாளர்கள் பதவிக்கு விண்ணப்பிப்பவர், பிஇ/பிடெக் என அந்தந்த துறையில் முதல் வகுப்பில் 60% மதிப்பெண்களுக்கு குறையாமல் தேர்ச்சி பெற்றிருக்க வேண்டும். வணிகவியல் மற்றும் கணினி பயிற்சியாளர்கள் பதவிக்கு விண்ணப்பிப்பவர் அங்கீகரிக்கப்பட்ட வாரியத்திலிருந்து வணிகப் பயிற்சியில் டிப்ளமோ தேர்ச்சி பெற்றிருக்க வேண்டும்.

எப்படி விண்ணப்பிப்பது.?

மேலே குறிப்பிடப்பட்டுள்ள பணிகளில் சேர ஆர்வம் மற்றும் தகுதியான விண்ணப்பதாரர்கள் Application Form என்னும் ஆன்லைன் வசதி மூலம் அதிகாரப்பூர்வ இணையத்தளத்திற்குச் சென்று அங்கு கேட்கப்பட்டிருக்கும் அடிப்படை விவரங்களை பூர்த்தி செய்து உரிய ஆவணங்களை பதிவேற்ற வேண்டும்.

விண்ணப்பிப்பதற்கான கடைசி நாள்:

மேலே குறிப்பிடப்பட்டுள்ள பணிகளில் சேருவதற்கான ஆன்லைன் விண்ணப்பங்கள் சமர்ப்பிப்பதற்கான கடைசி தேதி ஜூன் 2 வரை உள்ளது. எனவே, இந்த பணியில் சேருவதற்கு ஆர்வம் உள்ளவர்கள் தங்களது திறமைகளை சற்று வளர்த்துக் கொண்டு விண்ணப்பித்துக் கொள்ளுங்கள். இது குறித்த தகவல்களுக்கு ISRO NRSC  என்ற அதிகாரப்பூர்வ அறிவிப்பை அணுகலாம்.

சம்பள விவரம்:

பட்டதாரி பயிற்சியாளர்கள் பதவிக்கு தேர்வு செய்யப்படுபவருக்கு மாதம் ரூ.9,000-மும், தொழில்நுட்ப பயிற்சியாளர்கள் மற்றும் வணிகவியல் மற்றும் கணினி பயிற்சியாளர்கள் பதவிக்கு தேர்வு செய்யப்படுபவருக்கு மாதம் ரூ.8,000 வரையிலான ஊதியம் வழங்கப்படும்.