ரஜினி ரசிகர்கள் கொண்டாட ரெடியா?…நல்ல செய்தி வந்திருச்சி…

நடிகர் ரஜினிகாந்த் தமிழ் சினிமாவில் மட்டுமல்லாது இந்தியத் திறை உலகிலும் அதிக ஆதீக்கம் செலுத்தி வருபவர். இவர் நடித்து இம்மாதம் பத்தாம் தேதி வெளிவரத் தயாராக உள்ள “வேட்டையன்” படத்தின் டிரையலர் நேற்று வெளியிடப்பட்டது. ரசிகர்களை வெகுவாக கவர்ந்திருந்தது இந்த டிரையலர். இவருடன் பாலிவுட் சூப்பர் ஸ்டார் அமிதாப்பச்சன், ரானா, மஞ்சு வாரியர், பகத் பாசில் உள்ளிட்ட பலரும் இணைந்து நடித்துள்ளனர்.

இவர் தற்போது இளம் இயக்குனர் லோகேஷ் கனகராஜ் இயக்கத்தில் “கூலி” படத்தில் நடித்து வருகிறார், கடந்த முப்பதாம் தேதி இவருக்கு செரிமானப் பிரச்சனை ஏற்பட்டு நெஞ்சு வலி இருந்திருக்கிறது. இதனால் இவர் அப்பல்லோ மருத்துவமனையில் அனுமதிக்கப்பட்டார். தீவிர சிகீட்சை பிரிவில் அனுமதிக்கப்பட்ட ரஜினியின் உடல் நிலை மருத்துவர்களால் தீவிரமாக கண்காணிக்கப்பட்டு வருகிறது.

Rajinikanth

பிரதமர் மோடி, முதல்வர் ஸ்டாலின், நடிகரும் மக்கள் நீதி மையம் கட்சியின் தலைவருமான கமல், நடிகர், தமிழக வெற்றிக் கழகத் தலைவர் விஜய் உள்ளிட்ட பிரபலங்கள் ரஜினி பூரண நலன் பெற வேண்டி தங்களது வாழ்த்துக்களை சொல்லியிருந்தனர்.

ரஜினிகாந்த் விரைவில் நலன் பெற்று வீடு திரும்ப வேண்டும் என அவரது ரசிகர்கள் தீவிர பிரார்த்தனைகளையும், கோவில்களில் சிறப்பு பூஜைகளையும் செய்து வருகின்றனர்.

ரஜினியின் உடல் நிலை குறித்து அவர் நலமுடன் இருக்கிறர் என சொல்லியிருந்த அப்பல்லோ மருத்துவமனை நிர்வாகம் அவரது டிஸ்சார்ஜ் குறித்த தகவலை வெளியிட்டுள்ளது. அதன்படி செப்டமபர் மாதம் முப்பதாம் தேதி மருத்துவமனையில் அனுமதிக்கப்பட்ட ரஜினி நாளை அக்டோபர் நான்காம் தேதி வீடு திரும்புவார் என  தெரிவித்துள்ளது.