பயமுறுத்துறேனா? அல்லாஹ் இப்படி பண்ணிட்டாரு, பாக். வீரர்!

இங்கிலாந்து அணிக்கு எதிராக சொந்த மண்ணில் நடைபெற்ற டெஸ்ட் தொடரில் பாகிஸ்தான் அணி கைப்பற்றி அசத்தியது. இரு அணிகள் இடையிலான மூன்றாவது டெஸ்ட் போட்டியில் பாக்ஸிதான் அணி இங்கிலாந்தை வீழ்த்தி வெற்றி பெற்றதோடு, தொடரை 2-0 என்ற கணக்கில் கைப்பற்றியது.

ராவல்பிண்டியில் நடைபெற்ற மூன்றாவது டெஸ்ட் போட்டியில் பாகிஸ்தான் அணியின் சுழற்பந்து வீச்சாளர் சஜித் கான் மற்றும் நோமன் அலி இணைந்து இங்கிலாந்து பேட்டர்களை அவுட் செய்து பாகிஸ்தான் வெற்றிக்கு மிக முக்கிய பங்காற்றினர்.

இந்த போட்டிக்கு பிறகு செய்தியாளர்களை சந்தித்த பாகிஸ்தான் அணியின் அனுபவம் மிக்க சுழற்பந்து வீச்சாளர் சஜித் கான் கேள்வி ஒன்றுக்க அளித்த பதில் அனைவரையும் சிரிக்க செய்தது.

போட்டியின் போது இங்கிலாந்து அணி பேட்டர்களை சஜித் கான் அச்சமூட்டியது பற்றி செய்தியாளர் ஒருவர் கேள்வி எழுப்பினார். அதற்கு பதில் அளித்த சஜித் கான், “நான் யாரையும் பயமுறுத்தவில்லை, ஆனால் எல்லாரும் இதைத் தான் சொல்கின்றனர். கடவுள் (அல்லாஹ்) எனக்கு இந்த தோற்றத்தை கொடுத்துவிட்டார், நான் சிரித்தால் கூட மக்கள் அச்சமடைகின்றனர்,” என்று தெரிவித்தார்.

இக்கட்டான சூழலில், பேட்டிங்கின் டெயில் என்ட்-இல் அணிக்கு தேவையான ரன்களை அடித்ததோடு, சஜித் கான் மற்றும் நோமன் அலி ஜோடி இரண்டு டெஸ்ட் போட்டிகளில் கூட்டாக சேர்ந்து 39 விக்கெட்டுகளை கைப்பற்றி அசத்தியது. இவை நான்கு முயற்சிகளுக்கு பின் பாகிஸ்தான் அணி தொடரை கைப்பற்ற மிக முக்கிய காரணமாக அமைந்தது.