13mm டிரைவர்கள், 54 மணி நேர பிளேபேக் வழங்கும் போட் இயர்பட்ஸ் இந்தியாவில் அறிமுகம்

போட் நிறுவனம் இந்திய சந்தையில் தனது புதிய இயர்பட்ஸ் மாடலை அறிமுகம் செய்து இருக்கிறது. போட் ஏர்டோப்ஸ் ஜெனிசிஸ் என்று அழைக்கப்படும் புதிய இயர்பட்ஸ், போட் ராக்கர்ஸ் 255 டச் நெக்பேண்ட் மாடலை தொடர்ந்து அறிமுகம் செய்யப்பட்டு இருக்கிறது. போட் ராக்கர்ஸ் 255 டச் நெக்பேண்ட் இயர்பட்சில் ஸ்வைப் கண்ட்ரோல்கள் வழங்கப்பட்டு இருந்தது.

புதிய போட் ஏர்டோப்ஸ் ஜெனிசிஸ் மாடலில் காம்பேக்ட் டிசைன், மெல்லிய மெட்டல் ஃபினிஷ் கொண்டிருக்கிறது. இதில் போட் நிறுவனத்தின் பாரம்பரியம் மிக்க 13mm டிரைவர்கள் உள்ளன. இவை தலைசிறந்த ஆடியோ அனுபவத்தை வழங்குகின்றன. இத்துடன் சீம்லெஸ் இன்-இயர் டிடெக்‌ஷன் மற்றும் க்ளியர் காலிங் வசதி வழங்கப்பட்டு இருக்கிறது. இதற்காக மேம்பட்ட குவாட் மைக்குகள், ENx தொழில்நுட்பம் வழங்கப்பட்டுள்ளது. இந்த இயர்பட்ஸ் ப்ளூடூத் 5.3 தொழில்நுட்பம் கொண்டிருக்கிறது.

#boAt Airdopes Genesis TWS earbuds

கேமிங் ப்ரியர்களுக்காக இந்த இயர்பட்ஸ், BEAST மோடில் 65ms வரையிலான லோ லேடன்சி வழங்குகிறது. இது ஆடியோ தாமதமாவதை தடுக்கிறது. இந்த இயர்பட்ஸ் முழு சார்ஜ் செய்தால் 54 மணி நேரத்திற்கு பிளேபேக் வழங்குகிறது. பேட்டரி தீர்ந்து போகும் பட்சத்தில் இதில் உள்ள ASAP சார்ஜ் மூலம் ஐந்து நிமிடங்கள் சார்ஜ் செய்தால் 60 நிமிடங்கள் வரை பிளேபேக் பெற முடியும். இத்துடன் IPX5 தரச் சான்று பெற்ற வாட்டர் ரெடிஸ்டண்ட் வசதி உள்ளது.

போட் ஏர்டோப்ஸ் ஜெனிசிஸ் அம்சங்கள்:

காம்பேக்ட் மற்றும் மெட்டாலிக் ஃபினிஷ்
ப்ளூடூத் 5.3 கனெக்டிவிட்டி
13mm டிரைவர்கள்
போட் சிக்னேச்சர் சவுண்ட்
இன்-இயர் டிடெக்‌ஷன்
குவாட் மைக் மற்றும் ENx தொழில்நுட்பம்
400 எம்ஏஹெச் பேட்டரி (கேஸ்), 35 எம்ஏஹெச் பேட்டரி (இயர்பட்ஸ்)
ASAP ஃபாஸ்ட் சார்ஜிங்
டைப் சி கனெக்டர்
BEAST மோட் மற்றும் 65ms வரை லோ லேடன்சி
வாய்ஸ் அசிஸ்டண்ட் சப்போர்ட்
IPX5 வாட்டர் ரெசிஸ்டண்ட்

#boAt Airdopes Genesis TWS earbuds

விலை மற்றும் விற்பனை விவரங்கள்:

போட் ஏர்டோப்ஸ் ஜெனிசிஸ் மாடலின் விற்பனை ஜூன் 1 ஆம் தேதி துவங்குகிறது. விற்பனை அமேசான் மற்றும் போட் அதிகாரப்பூர்வ வலைதளங்களில் நடைபெறுகிறது. அறிமுக சலுகையாக இதன் விலை ரூ. 1799 என்று நிர்ணயம் செய்யப்பட்டு உள்ளது. இந்த இயர்பட்ஸ்: ஆக்டிவ் பிளாக், வைட் பியூரிட்டி மற்றும் ஓசியானா என மூன்று நிறங்களில் கிடைக்கிறது. இத்துடன் ஒரு வருடத்திற்கான வாரண்டி வழங்கப்படுகிறது.