மட்ட பண்ணப்போகும் மோட்டோ.. 2 மாடல், விலை ரொம்ப மலிவு!

மோட்டோரோலா நிறுவனத்தின் இரண்டு புதிய G சீரிஸ் ஸ்மார்ட்போன்கள் விரைவில் அறிமுகமாகும் என்று தகவல் வெளியாகி உள்ளது. இதில் மோட்டோ G15 ஸ்மார்ட்போனின் விவரங்கள் சில தினங்களுக்கு முன் இணையத்தில் லீக் ஆகி இருந்தது.

தற்போது வெளியாகி இருக்கும் தகவல்களின் படி மோட்டோ G05 மற்றும் மோட்டோ G15 என இரண்டு புதிய ஸ்மார்ட்போன்கள் விரைவில் சர்வேதச சந்தையில் அறிமுகம் செய்யப்படும் என கூறப்படுகிறது. கீக்பென்ச் தளத்தில் இடம்பெற்ற மோட்டோ G15 ஸ்மார்ட்போன் சிங்கில் கோர் டெஸ்டிங்கில் 340 புள்ளிகளையும், மல்டி கோர் டெஸ்டிங்கில் 1311 புள்ளிகளையும் பெற்றது.

இந்த தளத்தின் விவரங்களில் புதிய மோட்டோ G15 ஸ்மார்ட்போன் ஆண்ட்ராய்டு 15 ஓஎஸ், 4GB ரேம், இதனுடன் வழங்கப்படும் பிராசஸர் மாலி-G52 MC2 GPU உடன் வரும் என்று தெரிகிறது. விலையை பொருத்தவரை மோட்டோ G05 ஸ்மார்ட்போனின் 4GB ரேம் 128GB மெமரி மாடல் விலை இந்திய மதிப்பில் ரூ. 12,732 வரை நிர்ணயம் செய்யப்படும் என்றும் இதன் 4GB ரேம், 256GB மெமரி மாடல் விலை இந்திய மதிப்பில் ரூ. 15,461 வரை நிர்ணயம் செய்யப்படும் என்று கூறப்படுகிறது.

மோட்டோ G15 ஸ்மார்ட்போனின் 8GB ரேம், 256GB மெமரி மாடல் விலை இந்திய மதிப்பில் ரூ. 18,189 என நிர்ணயம் செய்யப்படலாம். இரண்டு புதிய மோட்டோ ஸ்மார்ட்போன்களும் அடுத்த மாத துவக்கத்தில் ஐரோப்பிய சந்தையில் அறிமுகம் செய்யப்படும் என்று கூறப்படுகிறது.

இவற்றின் இந்திய வெளியீடு பற்றி இதுவரை எந்த தகவலும் இல்லை. எனினும், இவற்றின் இந்திய விலை கணிசமான அளவுக்கு குறைவாகவே நிர்ணயம் செய்யப்படும் என்று தெரிகிறது. முன்னதாக மோட்டோ அறிமுகம் செய்த G14 ஸ்மார்ட்போனின் விலை ரூ. 9,999 என்று துவங்கியது குறிப்பிடத்தக்கது.