டக்குனு இரண்டு புது சலுகைகளை இறக்கிவிட்ட வோடபோன் ஐடியா.. இது லிஸ்ட்-ல இல்லையே..!

வோடபோன் ஐடியா நிறுவனம் இந்திய டெலிகாம் சந்தையில் இரண்டு புதிய பிரீபெயிட் ரிசார்ஜ் திட்டங்களை அறிவித்து இருக்கிறது. இந்த ரிசார்ஜ் திட்டங்களின் விலை முறையே ரூ. 198 மற்றும் ரூ. 204 என்று நிர்ணயம் செய்யப்பட்டு உள்ளன. இரண்டு புதிய பிரீபெயிட் ரிசார்ஜ் திட்டங்களிலும் டாக்டைம் பலன்கள் வழங்கப்படுகின்றன.

புதிய ரிசார்ஜ் திட்டத்தில் பயனர்களுக்கு அதிகபட்சம் 500MB வரையிலான டேட்டா வழங்கப்படுகிறது. முன்னதாக வோடபோன் ஐடியா நிறுவனம் ரூ. 24 மற்றும் ரூ. 49 விலையில் பிரீபெயிட் ரிசார்ஜ் திட்டங்களை அறிவித்த நிலையில், தற்போது புதிதாக இரண்டு பிரீபெயிட் ரிசார்ஜ் திட்டங்கள் அறிவிக்கப்பட்டு உள்ளன.

வோடபோன் ஐடியா ரூ. 198 பிரீபெயிட் ரிசார்ஜ் திட்டத்தில் பயனர்களுக்கு டேட்டா மற்றும் டாக்டைம் பேலன்ஸ் வழங்கப்படுகிறது. இந்த திட்டத்திற்கான வேலிடிட்டி 30 நாட்கள் ஆகும். இரண்டு புதிய ரிசார்ஜ் திட்டங்கள் வழங்கும் பலன்கள் பற்றி தொடர்ந்து பார்ப்போம்.

Phone-Use

வோடபோன் ஐடியா ரூ. 198 மற்றும் ரூ. 204 ரிசார்ஜ் திட்ட பலன்கள் :

புதிய ரூ. 198 பிரீபெயிட் ரிசார்ஜ் திட்டத்தில் பயனர்களுக்கு ஒட்டுமொத்தமாக ரூ. 198 டாக்டைம் மற்றும் 500MB வரையிலான டேட்டா வழங்கப்படுகிறது. இந்த பிரீபெயிட் ரிசார்ஜ் திட்டத்தின் வேலிடிட்டி 30 நாட்கள் ஆகும். ரூ. 204 பிரீபெயிட் ரிசார்ஜ் திட்டம் ரூ. 204 டாக்டைம் மற்றும் 500MB டேட்டா வழங்கப்படுகிறது. இந்த திட்டத்திற்கான வேலிடிட்டியும் 30 நாட்கள் தான்.

வோடபோன் ஐடியா நிறுவனத்தின் ரூ. 198 மற்றும் ரூ. 204 பிரீபெயிட் ரிசார்ஜ் திட்டங்கள் மும்பை மற்றும் குஜராத் வட்டாரங்களில் மட்டும் அறிவிக்கப்பட்டு இருக்கிறது. நாட்டின் மற்ற வட்டாரங்களில் இந்த இரண்டு பிரீபெயிட் ரிசார்ஜ் திட்டங்கள் அறிவிக்கப்படுமா என்பது கேள்விக்குறியாகவே உள்ளது.

Vi-Midnight-data

புதிய ரூ. 198 மற்றும் ரூ. 204 வோடபோன் ஐடியா ரிசார்ஜ் திட்டங்கள் தவிர, ரூ. 17 விலையில் மற்றொரு ரிசார்ஜ் திட்டமும் பயனர்களுக்கு வழங்கப்படுகிறது. இந்த பிரீபெயிட் ரிசார்ஜ் திட்டம் ஒரு நாள் வேலிடிட்டியுடன் வழங்கப்படுகிறது. புதிய திட்டங்களை போன்று இல்லாமல், ரூ. 17 ரிசார்ஜ் திட்டம் நாடு முழுக்க அனைத்து வட்டாரங்களிலும் வழங்கப்படுகிறது.

பலன்களை பொருத்தவரை வோடபோன் ஐடியா ரூ. 17 பிரீபெயிட் ரிசார்ஜ் திட்டம் நள்ளிரவு 12 மணி முதல் அதிகாலை 6 மணி வரை அன்லிமிடெட் டேட்டா வழங்குகிறது. இதன் வேலிடிட்டி ஒரு நாள் ஆகும்.