தோனி அட்வைஸ் கொடுத்தா போதும்… என்னவேனும்னாலும் பண்ணுவேன்…சாஹல் ஓபன் டாக்.!!

இந்திய கிரிக்கெட் அணியின் முன்னாள் கேப்டன் தோனி பற்றி பல கிரிக்கெட் வீரர்கள் புகழ்ந்து பேசுவது உண்டு. அந்த வகையில், இந்திய அணியின் சுழற் பந்துவீச்சாளர் யுஸ்வேந்திர சாஹல் சமீபத்திய நேர்காணல் ஒன்றில் தோனி குறித்தும் தோனியுடன் சில போட்டிகளில் விளையாடியது குறித்தும் சில விஷயங்களை மனம் திறந்து பேசி உள்ளார்.

இது குறித்து பேசியவர் யுஸ்வேந்திர சாஹல் ” நான் சொல்லப்போனால் தோனியின் மிகப்பெரிய ரசிகர். அவருக்கு ஏராளமான ரசிகர்கள் இருக்கிறார்கள் அதில் நானும் ஒருவன். அவருடன் விளையாடிய போட்டிகளில் அவர் எனக்கு கொடுத்த ஆலோசனைகள் அனைத்தும் நான் பயன்படுத்துவேன். அவருடைய ஆலோசனை அந்த அளவிற்கு அருமையானதாக இருக்கும்.

போட்டியின் நடுவில் அவர் எனக்கு ஒரே ஒரு அட்வைஸ் கொடுத்தால் போதும் அதனை கண்ணை மூடிக்கொண்டு செயல்படுத்துவேன். அது சரியாக அமைந்து விடும் தோனிக்கு கிரிக்கெட் பொருத்தவரை அனைத்து விஷயங்களும் நன்றாகவே தெரியும். எனவே அவர் சொல்வதை கேட்டு செயல்பட்டாலே போதும் கண்டிப்பாக அந்த இடத்தில் நமக்கு வெற்றி நிச்சயமாக கிடைக்கும்.

ஐபிஎல் போட்டிகளில் பல ஆண்டுகளாக பெங்களூர் அணிக்காக விளையாடி வருகிறேன். ஆனால், எனக்கு தோனி தலைமையின் கீழ் சென்னை சூப்பர் கிங்ஸ் அணியில் விளையாட மிகவும் ஆர்வம் அதிகமாக உள்ளது. எனக்கு கிரிக்கெட் மீது அதிகமாக ஆர்வம் உள்ளதால் அடிக்கடி இந்திய கிரிக்கெட் அணில் உள்ள சில வீரர்களுக்கு கால் செய்து கிரிக்கெட் பற்றி பேசுவேன். குறிப்பாக சொல்ல வேண்டும் என்றால் தோனி விராட் கோலி சஞ்சு சாம்சன் ரோஹித் சர்மா ஆகியோரிடம் அதிகம் பேசுவேன் அவர்கள் அனைவருமே எனக்கு மிகவும் நல்ல நண்பர்கள் எனவும் யுஸ்வேந்திர சாஹல் கூறியுள்ளார்.