விக்கிரவாண்டி இடைத்தேர்தல்!.. டிவிஸ்ட் கொடுத்த அதிமுக!.. இத எதிர்பார்க்கலயே!..

கடந்த சட்டமன்ற தேர்தலில் விழுப்புரம் விக்கிரவாண்டி தொகுதியில் திமுக உறுப்பினர் புகழேந்தி வெற்றி பெற்றார். இந்நிலையில், சில நாட்களுக்கு முன்பு புகழேந்தி மரணமடைந்தார். எனவே, இந்த தொகுதியில் இடைத்தேர்தல் அறிவிக்கப்பட்டிருக்கிறது.

வருகிற ஜூலை 10ம் தேதி விக்கிரவாண்டி தொகுதியில் இடைத்தேர்தல் நடக்கவுள்ளது. இந்த தொகுதியில் திமுக வேட்பாளராக அன்னியூர் சிவா அறிவிக்கப்பட்டிருக்கிறார். இந்த தொகுதில் பாஜக போட்டியிடும் என எதிர்பார்க்கப்பட்டது. ஆனால், அந்த தொகுதியில் போட்டியிட பாமக விரும்புவதால் பாஜக விலகி கொண்டது. அதன்படி பாமக சார்பாக சி.அன்புமணி வேட்பாளராக அறிவிக்கப்பட்டிருக்கிறார்.

அதேபோல், நாம் தமிழர் கட்சி சார்பில் டாக்டர் அபிநயா அறிவிக்கப்பட்டிருக்கிறார். அதிமுக சார்பில் யார் போட்டியிடப்போகிறார் என எதிர்பார்க்கப்பட்ட நிலையில் இந்த இடைத்தேர்தலை புறக்கணிக்கப்போவதாக அதிமுக அறிவித்திருக்கிறது.

திமுக ஆட்சியில் இருப்பதால் இடைத்தேர்தல் சுதந்திரமாகவும், நியாயமாகவும் நடைபெறாது என காரணம் சொல்லி எடப்பாடி பழனிச்சாமி தெரிவித்திருக்கிறார். எனவே, விக்கிரவாண்டி இடைத்தேர்தலில் திமுகவே வெற்றி பெறும் என்பது உறுதியாகி இருக்கிறது.