ஜிம் டிரெய்னருடன் கள்ளக்காதல்!.. கணவரை போட்டு தள்ளிய மனைவி!.. அரியானாவில் அதிர்ச்சி…

கணவன் இருக்கும்போது மற்ற ஆண்களுடன் தாகாத உறவு வைத்திருக்கும் பெண்களின் எண்ணிக்கை நாளுக்கு நாள் அதிகரித்துக்கொண்டே போகிறது. ஒருகட்டத்தில் இந்த உண்மை கணவருக்கு தெரியவரும்போது அது குடும்பத்தில் பிரச்சனை ஏற்பட்டு பிரிவு ஏற்படுகிறது.

சில இடங்களில் ஆத்திரத்தில் மனைவியை கொலை செய்துவிட்டு ஆண்கள் சிறைக்கு போய்விடுகிறார்கள். அல்லது கள்ளக்காதலனுடன் சேர்ந்து கணவனையே மனைவி கொலை செய்யும் சம்பவமும் அடிக்கடி நடந்து வருகிறது. அந்தவகையில், கள்ளக்காதலனுக்காக கணவரை மனைவியே கொலை செய்த சம்பவம் அரியானாவில் அதிர்ச்சியை ஏற்படுத்தியிருக்கிறது.

அரியானா மாநிலம் சண்டிகரில் வசிக்கும் தொழிலதிபர் வினோத் கடந்த 2021ம் வருடம் தேவ் சுனர் என்கிற லாரி டிரைவர் சுட்டுக் கொன்றார். தேவ் சுனர் ஓட்டி வந்த லாரி வினோத்தின் காரின் மீது மோதியதால் கொடுக்கப்பட்ட வழக்கை வாபஸ் வாங்க வினோத் மறுத்ததால் அவரை சுட்டுக்கொன்றதாக தேப் சுனர் வாக்கு மூலம் கொடுத்தார். இதையடுத்து அவர் சிறையில் அடைக்கப்பட்டார்.

இந்நிலையில், வினோத் கொலையில் மர்மம் இருப்பதாகவும், மீண்டும் விசாரிக்கும்படியும் ஆஸ்திரேலியாவில் உள்ள வினோத்தின் சகோதரர் சண்டிகர் மாவட்ட எஸ்.பி அஜித் சிங்கின் வாட்ஸ் அப் எண்ணில் புகார் கொடுத்தார். அவரிடம்தான், வினோத்தின் மகள் இப்போது வளர்ந்து வருகிறார்.

போலீசாரின் விசாரணையில் பல திடுக்கிடும் தகவல்கள் வெளிவந்தது. வினோத்தின் மனைவி நித்தி பாரா உடற்பயிற்சி செய்ய ஜிம்முக்கு சென்றபோது ஜிம் பயிற்சியாளர் சுமித் என்பவருடன் கள்ளக்காதல் ஏற்பட்டது. இதை வினோத் கண்டிக்கவே சுமித்துடன் சேர்ந்து கணவரை கொல்ல திட்டமிட்டார் நித்தி. லாரி ஓட்டுனர் தேவ் சுனருக்கு 10 லட்சம் கொடுத்து வினோத்தின் கார் மீது மோதி அவரை கொலை செய்வது என முடிவானது. ஆனால், அந்த விபத்தில் வினோத் தப்பிவிட்டார்.

எனவே, தேவ் சுனரை ஜாமினில் எடுத்து அவரின் கையில் துப்பாக்கி கொடுத்து வினோத்தை சுட்டு கொலை செய்ய சொல்ல, அவரும் அதை செய்துவிட்டார். அதன்பின் நித்தி தனது மகளை வினோத்தின் சகோதரருடன் அனுப்பிவிட்டு காதலன் சுமித்துடன் ஜாலியாக வாழ்ந்து வந்திருக்கிறார். இப்போது நித்தி, சுமித் இருவரும் கைது செய்யப்பட்டு சிறையில் அடைக்கப்பட்டுள்ளனர். 3 பேர் மீதும் கொலை வழக்கு பதிவு செய்யப்பட்டிருக்கிறது.