இன்று முதல் 8-ம் தேதி வரை… தமிழகத்தில் மழைக்கு வாய்ப்பு… வானிலை ஆய்வு மையம் தகவல்..!

தமிழகத்தில் இன்று முதல் 8ம் தேதி வரை மழைக்கு வாய்ப்புள்ளதாக சென்னை வானிலை ஆய்வு மையம் தெரிவித்து இருக்கின்றது.

சென்னை மற்றும் புறநகர் பகுதிகளில் அடுத்த 24 மணி நேரத்திற்கு வானம் ஓரளவு மேகமூட்டத்துடன் இருக்கும் எனவும், நகரின் ஒரு சில பகுதிகளில் லேசான மழை பெய்வதற்கு வாய்ப்பு இருப்பதாக சென்னை வானிலை ஆய்வு மையம் தெரிவித்திருக்கின்றது.

இது தொடர்பாக வெளியிட்டுள்ள அறிக்கையில் தெரிவித்திருப்பதாவது: “மேற்கு திசை காற்றின் வேகமாறுபாடு காரணமாக இன்று முதல் எட்டாம் தேதி வரை தமிழகத்தில் ஒரு சில இடங்களிலும், புதுவை மற்றும் காரைக்கால் பகுதிகளில் லேசான முதல் மிதமான மழை பெய்யக்கூடும். சென்னை மற்றும் புறநகர் பகுதிகளில் அடுத்த 24 மணி நேரத்திற்கு வானம் மேகமூட்டத்துடன் இருக்கும் நகரின் ஒரு சில பகுதிகளில் மழைக்கு வாய்ப்பு இருக்கின்றது.

அதிகபட்சமாக வெப்பநிலை 37 டிகிரி செல்சியஸ் இருக்கும். மேலும் இன்று முதல் வருகிற 8-ம் தேதி வரை மன்னார் வளைகுடா மற்றும் அதை ஒட்டிய தென் தமிழக கடலோர பகுதிகளில் சூறாவளிக்காற்று மணிக்கு 35 முதல் 45 கிலோமீட்டர் வரை வீசும் என்பதாலும் மீனவர்கள் கடலுக்கு செல்ல வேண்டாம்” எனவும் அறிவுறுத்தப்பட்டுள்ளது.