சாம்சங் போனுக்கு ரூ. 10,000 விலை குறைப்பு – அமேசான் அதிரடி

அமேசான் வலைதளத்தில் பிரைம் டே 2024 விற்பனை ஜூலை 20 ஆம் துவங்க இருக்கிறது. விற்பனைக்கு முன்பே அமேசான் தளத்தில் வழங்கப்பட உள்ள சலுகை மற்றும் தள்ளுபடி பற்றிய விவரங்கள் டீசர் வடிவில் வெளியிடப்பட்டு வருகின்றன. இந்த முறை அமேசான் பிரைம் டே விற்பனை இரண்டு நாட்கள் நடைபெறும் என்று அறிவிக்கப்பட்டு இருக்கிறது.

அந்த வரிசையில் சாம்சங் நிறுவனத்தின் கேலக்ஸி S23 அல்ட்ரா ஸ்மார்ட்போனிற்கு வழங்கப்பட இருக்கும் சலுகை அறிவிக்கப்பட்டு விட்டது. சாம்சங்-இன் ஃபிளாக்ஷிப் ரக மாடலான கேலக்ஸி S23 அல்ட்ரா மாடலுக்கு தள்ளுபடி மற்றும் வங்கி சார்ந்த சலுகைகள் வழங்கப்படுகின்றன. இத்துடன் அதிகபட்சம் 12 மாதங்கள் வரை வட்டியில்லா மாத தவணை முறை வசதி வழங்கப்படுகிறது.

அமேசான் தகவல்களின் படி கேலக்ஸி S23 அல்ட்ரா ஸ்மார்ட்போனை பயனர்கள் ரூ. 74,999 விலையில் வாங்கிட முடியும். இது கேல்கஸி S23 அல்ட்ரா பேஸ் வேரியண்டிற்கானது என்று கூறப்படுகிறது. அமேசான் தளத்தில் இந்த ஸ்மார்ட்போனின் விலை தற்போது ரூ. 84,999 விலையில் விற்பனை செய்யப்பட்டு வருவது குறிப்பிடத்தக்கது.

அந்த வகையில், சிறப்பு விற்பனையின் போது கேலக்ஸி S23 அல்ட்ரா மாடலை பயனர்கள் ரூ. 10,000 தள்ளுபடி செய்யப்பட்ட விலையில் வாங்கிட முடியும். ஏற்கனவே இந்த ஸ்மார்ட்போன் ரூ. 1,04,999 விலையில் விற்பனை செய்யப்பட்டு வந்தது. இந்திய சந்தையில் கேலக்ஸி S23 அல்ட்ரா மாடல்- கிரீம், கிரீன் மற்றும் ஃபேண்டம் பிளாக் என மூன்றுவித நிறங்களில் கிடைக்கிறது.