ஐபோனுக்கு இவ்வளவு தள்ளுபடியா? சூப்பர் ஆஃபர்

உலகின் முன்னணி ஆன்லைன் ஷாப்பிங் வலைதளம் அமேசான். பல்வேறு பொருட்களை விற்பனை செய்து வரும் அமேசான், ஒவ்வொரு ஆண்டும் பிரைம் டே பெயரில் சிறப்பு விற்பனை திருவிழாவை நடத்தி வருகிறது. அந்த வகையில், இந்த ஆண்டிற்கான அமேசான் பிரைம் டே விற்பனை ஜூலை 20 மற்றும் 21 ஆகிய தேதிகளில் நடைபெற உள்ளது.

இந்த விற்பனையின் போது அமேசான் தளத்தில் கிடைக்கும் பல்வேறு பொருட்களுக்கும் சிறப்பு சலுகைகள், தள்ளுபடி வழங்கப்படுகின்றன. விற்பனை துவங்க இன்னும் சில நாட்கள் உள்ள நிலையில், அமேசான் தினமும் ஏதேனும் சலுகை பற்றிய அறிவிப்பை வெளியிட்டு வருகிறது. அந்த வகையில், ஐபோன் 13 மாடலுக்கு வழங்கப்பட இருக்கும் சலுகை விவரங்கள் வெளியாகி உள்ளன.

அமேசான் பிரைம் டே விற்பனையின் போது ஐபோன் 13 மாடலுக்கு அசத்தலான தள்ளுபடி வழங்கப்பட உள்ளது. இந்த மாடல் ரூ. 50,000-க்கும் குறைந்த விலையில் விற்பனை செய்யப்பட இருக்கிறது.

தற்போது அமேசான் தளத்தில் ஐபோன் 13 மாடல் ரூ. 49,300 விலையில் விற்பனை செய்யப்படுகிறது. அமேசான் பிரைம் டே விற்பனையின் போது இந்த மாடல் ரூ. 48,999 விலையில் கிடைக்கும்.

இதுதவிர வங்கி சலுகை சேர்க்கும் போது இதன் விலை ரூ. 47,999 என மாறிவிடும். இந்த விலை ஜூலை 20 மற்றும் ஜூலை 21 என இரண்டு நாட்கள் வரை அமலில் இருக்கும்.

இந்திய சந்தையில் ஐபோன் 13 மாடல் கடந்த 2022 ஆம் ஆண்டு அறிமுகம் செய்யப்பட்டது. அப்போது, ஐபோன் 13 பேஸ் மாடல் 128GB விலை ரூ. 79,990 என நிர்ணயம் செய்யப்பட்டது குறிப்பிடத்தக்கது.