டாப் அம்சங்கள்.. போட் ஸ்மார்ட் ரிங் அறிமுகம் – விலை இவ்வளவு தான்..!

போட் நிறுவனத்தின் முற்றிலும் புதிய ஸ்மார்ட் ரிங் ஆக்டிவ் மாடல் அறிமுகம் செய்யப்பட்டது. இது அந்நிறுவனம் கடந்த ஆண்டு அறிமுகம் செய்த போட் ஸ்மார்ட் ரிங் மாடலின் மேம்பட்ட வெர்ஷன் ஆகும்.

புதிய ஸ்மார்ட் ரிங் ஆக்டிவ் மாடலில் ஸ்டெயின்லெஸ் ஸ்டீல் டிசைன் கொண்டிருக்கிறது. இது உறுதியாகவும், அழகாகவும் காட்சியளிக்கிறது. குறைந்த எடையில் உருவாகி இருக்கிறது. இதில் உள்ள சென்சார்கள் உடல்நல டிராக்கிங் வசதிகளை கொண்டிருக்கிறது.

அதன்படி போட் ஸ்மார்ட் ரிங் ஆக்டிவ் கொண்டு இதயதுடிப்பு, SpO2 மாணிட்டரிங், சுவாச ஆரோக்கியம் பற்றிய விவரங்களை அறிந்து கொள்ளலாம். இத்துடன் ஸ்லீப் மாணிட்டரிங் வசதி வழங்கப்பட்டு இருக்கிறது. இந்த ரிங் 20-க்கும் மேற்பட்ட ஸ்போர்ட்ஸ் மோட்களை கொண்டுள்ளது. இதனுடன் மேக்னடிக் சார்ஜிங் கேஸ் வழங்கப்படுகிறது.

புதிய ஸ்மார்ட் ரிங் ஆக்டிவ் முழு சார்ஜ் செய்தால் ஐந்து நாட்களுக்கு பேட்டரி பேக்கப் வழங்கும். ஆட்டோ மாணிட்டரிங் வசதியை செயல்படுத்தினால், இந்த ரிங் 30 நாட்கள் வரையிலான பேக்கப் வழங்குகிறது. இவைதவிர இந்த ரிங் ஸ்மார்ட் டச் கண்ட்ரோல், ஜெஸ்ட்யூர் சார்ந்த வசதிகளை கொண்டுள்ளது.

ஃபிட்னஸ் இலக்குகள் அடைவது, சர்வதேச ஃபிட்னஸ் சவால்களில் கலந்து கொள்வது உள்ளிட்டவைகளுக்கு போட் காயின்கள் வழங்கப்படுகின்றன. இத்துடன் ரியல்-டைம் உடல் ஆரோக்கிய விவரங்களை ஏ.ஆர். முறையில் பார்க்கும் வசதி வழங்கப்பட்டுள்ளது. இதில் 5ATM தர டஸ்ட், ஸ்வெட் மற்றும் ஸ்பிலாஷ் ரெசிஸ்டண்ட் வசதி உள்ளது.

புதிய போட் ஸ்மார்ட் ரிங் ஆக்டிவ் மாடலின் விலை ரூ. 2,999 ஆகும். விற்பனை ஜுலை 20 ஆம் தேதி துவங்குகிறது. இது 7 முதல் 12 வரையிலான அளவுகளில் கிடைக்கிறது. நிறங்களை பொருத்தவரை மிட்நைட் பிளாக், ரேடியண்ட் சில்வர் மற்றும் கோல்டு நிறங்களில் கிடைக்கிறது. விற்பனை அமேசான், ப்ளிப்கார்ட் மற்றும் போட் வலைதளங்களில் நடைபெற இருக்கிறது.