பிலிப்ஸ் நிறுவனம் இந்தியாவில் தனது புது ப்ளூடூத் பார்ட்டி ஸ்பீக்கரை அறிமுகம் செய்தது. பட்ஜெட் விலையில் போர்டபில் ஸ்பீக்கர் வாங்க விரும்புவோரை குறித்து இந்த ஸ்பீக்கர் உருவாக்கப்பட்டு இருக்கிறது. புதிய பிலிப்ஸ் ப்ளூடூத் ஸ்பீக்கர் TAX2208 என அழைக்கப்படுகிறது.
இந்த மாடல் 30W அவுட்புட், டைனமிக் பேஸ் பூஸ்ட், பார்ட்டி லைட் மோட் என ஏராளமான வசதிகளை கொண்டுள்ளது. புது ப்ளூடூத் ஸ்பீக்கர் தலைசிறந்த ஆடியோ அனுபவம் வழங்குகிறது. இதன் காம்பேக்ட் டிசைன் காரணமாக இதனை எங்கும் எளிதில் எடுத்து செல்லலாம். இந்த ஸ்பீக்கரின் குறிப்பிடத்தக்க அம்சங்களில் ஒன்றாக ட்ரூ வயர்லெஸ் தொழில்நுட்பம் உள்ளது.
ட்ரூ வயர்லெஸ் தொழில்நுட்பம் கொண்டு இரண்டு ஸ்பீக்கர்களை இணைத்து ஸ்டீரியோ சவுண்ட் அனுபவம் பெற முடியும். இந்த ஸ்பீக்கரில் பில்ட்இன் மைக்ரோபோன் மற்றும் கரோக்கி கண்ட்ரோல் வசதி உள்ளது. இதனால் பார்ட்டி செய்யும் போது கரோக்கி செஷன்களையும் தயக்கமின்றி நடத்தலாம். முழு சார்ஜ் செய்தால் பிலிப்ஸ் TAX2208 மாடல் ஏழு மணி நேரத்திற்கு பிளேடைம் வழங்குகிறது.
இது ப்ளூடூத் மற்றும் வயர்டு கனெக்டிவிட்டி வசதிகளை கொண்டுள்ளது. இந்திய சந்தையில் புதிய பிலிப்ஸ் TAX2208 ப்ளூடூத் பார்ட்டி ஸ்பீக்கர் விலை ரூ. 5,490 என நிர்ணயம் செய்யப்பட்டு உள்ளது.