2026 தமிழக சட்டமன்றத் தேர்தல் முடிவுகள், காலம் காலமாகத் தமிழக அரசியலைக் கணித்து வந்த அரசியல் விமர்சகர்கள் மற்றும் ஊடகவியலாளர்களின் கணிப்புகளைத் தலைகீழாக மாற்றியமைத்துள்ளது.
“விஜய்க்கு அரசியல் அறிவில்லை” என்று விமர்சித்த லட்சுமணன், “களப்பணி மற்றும் உழைப்பில்லை” என்று சாடிய கோட்டீஸ்வரன், மற்றும் “தன்னால் எதையும் நிரூபிக்க முடியாது” என்று வாதிட்ட ரவீந்திரன் துரைசாமி போன்றோரின் வாதங்கள் இன்று மக்கள் தீர்ப்பின் முன்னால் தவிடுபொடியாகியுள்ளன.
தமிழக வெற்றிக் கழகத்தை ஒரு சாதாரண ‘சினிமா கவர்ச்சி’ இயக்கமாகப் பார்த்து கேலி செய்த ஒட்டுமொத்த மீடியா நபர்களின் முகத்திலும் மக்கள் தங்கள் வாக்குகளின் மூலம் கரிபூசியுள்ளனர். ஆரம்பகட்ட நிலவரப்படி தவெக பெரும்பான்மையான தொகுதிகளில் முன்னிலை வகித்து முதலிடத்தை பிடித்துள்ளது, தமிழக அரசியலில் ஒரு புதிய சகாப்தத்தின் தொடக்கமாகப் பார்க்கப்படுகிறது.
திமுக, அதிமுக போன்ற திராவிடப் பேரியக்கங்களின் கோட்டைகளைத் தகர்த்து, ஒரு புதிய கட்சி இவ்வளவு பெரிய எழுச்சியைக் கண்டிருப்பது இதுவே முதல்முறை. தற்போது எழுந்துள்ள மிகப்பெரிய கேள்வி:
“விஜய் ஆட்சியை அமைப்பாரா?” என்பதுதான். தனிப்பெரும் கட்சியாக உருவெடுத்துள்ள நிலையில், மற்ற சிறிய கட்சிகளின் ஆதரவுடன் அல்லது தனித்தே விஜய் முதலமைச்சர் அரியணையில் அமர வாய்ப்புகள் பிரகாசமாக உள்ளன. இது வெறும் தேர்தல் வெற்றியல்ல, மாற்றத்தை விரும்பிய தமிழக மக்களின் ஒருமித்த புரட்சி.