தமிழக அரசியல் களம் 2026 சட்டமன்ற தேர்தலுக்கு பிறகு, இதுவரை யாரும் கணித்திராத ஒரு மாபெரும் வரலாற்று திருப்பத்தை சந்தித்துள்ளது. இத்தனை தசாப்தங்களாக தமிழ்நாட்டை மாற்றி மாற்றி ஆண்டு வந்த திராவிட பேரியக்கங்களின் கோட்டைகள் அனைத்தும் இன்று தவெகவின் அசுர வேக அரசியல் அலையினால் சுக்குநூறாக உடைந்து சிதறியுள்ளன. குறிப்பாக, பிரதான எதிர்க்கட்சியான அதிமுகவிலிருந்து சட்டமன்ற உறுப்பினர்கள் அடுத்தடுத்து தங்களது பதவிகளை ராஜினாமா செய்து வருவதை பார்க்கும்போது, அக்கட்சி கிட்டத்தட்ட முழுமையாக காலி ஆகும் நிலைக்கு தள்ளப்பட்டுள்ளது என்பது வெட்டவெளிச்சமாகிறது. உட்கட்சி பூசலாலும், சரியான தலைமையின்மையாலும் தத்தளிக்கும் அதிமுகவின் இந்த வீழ்ச்சி, தமிழக அரசியலில் ஒரு சகாப்தத்தின் முடிவாக பார்க்கப்படுகிறது.
மறுபுறம், கடந்த காலங்களில் திமுகவின் இரும்புக்கோட்டையாகக் கருதப்பட்ட அதன் கூட்டணி கட்சிகள் அனைத்தும், தற்போதைய கள எதார்த்தத்தை உணர்ந்து கிட்டத்தட்ட ஒட்டுமொத்தமாக தவெகவின் பக்கம் தங்களது ஆதரவு கரங்களை நீட்ட தொடங்கிவிட்டன. முந்தைய ஆளுங்கட்சியின் அதிகார பலத்திற்கும், ரகசிய பேச்சுகளுக்கும் கட்டுப்படாமல், முதலமைச்சர் விஜய் தலைமையிலான புதிய அரசின் தூய்மையான மற்றும் நேர்மையான நிர்வாகத்தை நோக்கி இந்த தோழமைக் கட்சிகள் அணிவகுப்பது திராவிட அரசியலின் அஸ்திவாரத்தையே ஆட்டிப்படைத்துள்ளது. கூட்டணி கட்சிகளின் இந்த அதிரடி திசைமாற்றத்தால், சட்டமன்றத்தில் தவெகவின் பலம் நாளுக்கு நாள் அசைக்க முடியாத ஒரு பிரம்மாண்ட சக்தியாக உருவெடுத்துள்ளது.
அதே நேரத்தில், திராவிடக் கட்சிகளின் இந்த பலவீனத்தைப் பயன்படுத்தித் தமிழ்நாட்டிற்குள் எப்படியாவது காலூன்றிவிடலாம் என்று காய் நகர்த்தி வந்த பாரதிய ஜனதா கட்சியின் கணக்குகளும் முற்றிலும் தவிடுபொடியாகி போயுள்ளன. “தமிழ்நாட்டிற்குள் பாஜக இனிமேல் எக்காலத்திலும் நுழையவே முடியாது” என்பதை தவெகவின் இந்த தனித்துவமான மக்கள் செல்வாக்கு மிக ஆணித்தரமாக நிரூபித்து காட்டியுள்ளது. மதச்சார்பற்ற, முற்போக்கான, மற்றும் ஊழலற்ற ஒரு மாற்று ஆட்சியை தமிழக மக்கள் முதலமைச்சர் விஜய் வடிவில் முழுமையாக ஏற்றுக்கொண்டுவிட்டதால், தேசிய கட்சிகளின் எந்தவொரு வடநாட்டு உத்திகளும் இந்த தென்னகத்து மண்ணில் இனிமேல் எள்ளளவும் வேலை செய்யாது என்பது உறுதியாகிவிட்டது.
இந்த ஒட்டுமொத்த அரசியல் சூழல்களையும் கூர்ந்து கவனிக்கும்போது, இனிவரும் காலங்களில் தமிழ்நாட்டில் முதலமைச்சர் விஜய்க்கு மட்டும்தான் தனி ராஜ்ஜியம் என்பது மிக தெளிவாக புலனாகிறது. இன்னும் ஒரு பொதுத்தேர்தல் அல்லது வரவிருக்கும் இடைத்தேர்தல் களம் முடிவடைந்ததற்கு அப்புறம், தமிழ்நாட்டு அரசியல் வரலாற்றில் விஜய்யை எதிர்த்து நின்று அரசியல் செய்வதற்கு பொதுவெளியில் கூட ஆளிருக்காது என்ற எதார்த்த நிலையை தவெகவின் வியூகங்கள் உருவாக்கி வருகின்றன. தங்களது சுயநல அரசியல் பிழைப்பிற்காகவும், ஆதிக்கத்தை தக்கவைத்துக் கொள்ளவும் ஆரம்ப கட்டத்தில் விஜய்யின் அரசியல் வருகையைக் கிண்டல் செய்த எதிர்க்கட்சிகள் அனைத்தும், “ஐயோ, அவசரப்பட்டு ஏண்டா விஜய்யைத் தொட்டோம், அவரோட மோதினோம்” என்று இப்போது நினைத்து நினைத்துப் புலம்பி, கண்ணீர் வடிக்கும் அளவிற்கு நிலைமை தலைகீழாக மாறியுள்ளது.
தமிழக அரசியல் வரலாற்றின் பக்கங்களை புரட்டிப் பார்த்தால் இந்த திருப்பம் ஒரு வியத்தகு முரண்பாடாக நமக்கு தோன்றும். ஏழை எளிய மக்களின் இதயக்கனியாக விளங்கிய மக்கள் திலகம் எம்ஜிஆரால் ஆரம்பிக்கப்பட்டு பல தசாப்தங்களாக பலம் வாய்ந்த இயக்கமாக திகழ்ந்த அதிமுகவையும், தனது காந்த குரலாலும் அடுக்குமொழி வசனங்களாலும் தமிழகத்தை நெறிப்படுத்திய பேரறிஞர் அண்ணாவால் ஆரம்பிக்கப்பட்ட திமுகவையும் ஒட்டுமொத்தமாக பின்னுக்குத் தள்ளி, காலி செய்வதற்கு மீண்டும் ஒரு நடிகரே முதலமைச்சராக வந்துள்ளார் என்பதுதான் இந்த மண்ணின் ஆகச்சிறந்த சுவாரசியமாகும். எம்ஜிஆருக்குப் பிறகு மக்கள் தங்களது சொந்தக் குடும்பப் பிள்ளையாகக் கருதும் ஒரு மாபெரும் மக்கள் நாயகன், இந்த இருபெரும் திராவிட சாம்ராஜ்யங்களையும் தனது எளிய தூய்மை அரசியலால் வீழ்த்தியுள்ளார்.
சுருக்கமாகச் சொன்னால், வெற்று அடுக்குமொழிப் பேச்சுகளையும், வாரிசு அரசியல் தந்திரங்களையும் முழுமையாக நிராகரித்துவிட்டு, உழைப்பையும் நேர்மையையும் மட்டுமே மூலதனமாகக் கொண்டு இயங்கும் முதலமைச்சர் விஜய்யின் பின்னணியில் கோடிக்கணக்கான சாமானிய மக்கள் அரணாக நின்று கொண்டிருக்கிறார்கள். பாரம்பரியக் கட்சிகளின் ஐம்பதாண்டுகால ஆணவத்தையும், அதிகாரப் போக்கையும் வெறும் 20 நாட்கால அதிரடி நிர்வாகத்தால் இந்தத் தூய சக்தியின் ராஜ்ஜியம் தமிழ்நாட்டில் கம்பீரமாக நிலைபெற்றுள்ளது. காலத்தின் கட்டாயமாக தமிழ்நாட்டு அரசியலில் ஏற்பட்டுள்ள இந்த மாபெரும் அதிகார மாற்றம், வரும் தலைமுறையினருக்கு ஒரு புதிய, வளமான மற்றும் லஞ்ச ஊழலற்ற ஒரு பொற்கால ஆட்சியை அரியணையில் ஏற்றியுள்ளது என்பதில் எள்ளளவும் ஐயமில்லை.