14 நாட்கள் சார்ஜ் நிக்கும்.. புது ஸ்மார்ட்வாட்ச் அறிமுகம் – எந்த மாடல்?

ஹூவாய் நிறுவனம் இந்திய சந்தையில் தனது புதிய ஸ்மார்ட்வாட்ச் மாடலை அறிமுகம் செய்தது. சமீபத்தில் ஹூவாய் தனது வாட்ச் ஃபிட் 2 மாடலை அறிமுகம் செய்தது. தற்போது ஹூவாய் நிறுவனம் வாட்ச் GT4 மாடலை அறிமுகம் செய்துள்ளது.

அம்சங்களை பொருத்தவரை புதிய ஹூவாய் வாட்ச் GT4 மாடலில் 1.43 இன்ச் 466×466 பிக்சல் AMOLED டிஸ்ப்ளே வழங்கப்பட்டு இருக்கிறது. இத்துடன் ஹார்ட் ரேட், ரத்தத்தில் உள்ள காற்றின் அளவு, மன அழுத்தம் மற்றும் உறக்கம் உள்ளிட்டவைகளை டிராக் செய்யும் வசதி வழங்கப்பட்டு இருக்கிறது. இதற்காக இந்த வாட்ச்-இல் ஹூவாய் ட்ரூஸ்லீப் 3.0 தொழில்நுட்பம் வழங்கப்பட்டுள்ளது.

இதுதவிர ஹைக்கிங், சைக்லிங், ரன்னிங், கலோரி நிர்வாகம் மற்றும் ஏராளமான வசதிகள் வழங்கப்பட்டு இருக்கின்றன. ஹூவாய் வாட்ச் GT4 மாலில் ப்ளூடூத் காலிங் வசதி, குறுந்தகவல்களுக்கு வாட்ச் மூலம் பதில் அளிக்கும் வசதி உள்ளது.

இந்த ஸ்மார்ட்வாட்ச்-இல் உள்ள பேட்டரி அதிகபட்சம் 14 நாட்களுக்கு பேட்டரி பேக்கப் வழங்குகிறது. புதிய ஸ்மார்ட்வாட்ச் 5 ATM தர வாட்டர் ரெசிஸ்டண்ட் வசதி கொண்டிருக்கிறது. புதிய ஹூவாய் வாட்ச் GT4 ஸ்மார்ட்வாட்ச் பிளாக், பிரவுன் மற்றும் கிரீன் என மூன்று நிறங்களில் கிடைக்கிறது.

இந்திய சந்தையில் புதிய ஹூவாய் வாட்ச் GT4 விலை ரூ. 19,999 என நிர்ணயம் செய்யப்பட்டு உள்ளது. எனினும், அறிமுக சலுகையாக ப்ளிப்கார்ட் தளத்தில் இந்த ஸ்மார்ட்வாட்ச்-ஐ ரூ. 17,999 விலையில் வாங்கிட முடியும். இந்த ஸ்மார்ட்வாட்ச் மாடலுக்கு 12 மாதங்கள் வரை வாரண்டி வழங்கப்படுகிறது.