ரூ.1099 தான் – வெறித்தனம் பண்ணும் ஸ்மார்ட்வாட்ச் அறிமுகம்

போட் நிறுவனத்தின் முற்றிலும் புதிய ஸ்மார்ட்வாட்ச்- லூனார் டிஸ்கவரி மாடல் இந்திய சந்தையில் அறிமுகம் செய்யப்பட்டது. புது ஸ்மார்ட்வாட்ச் மிக குறைந்த எடை, கச்சிதமான டிசைன் கொண்டிருக்கிறது. சமீபத்தில் அல்டிமா ரீகல் என்ற பெயரில் ஸ்மார்ட்வாட்ச் அறிமுகம் செய்த நிலையில் போட் நிறுவனம் தற்போது மற்றொரு புதிய மாடலை அறிமுகம் செய்துள்ளது.

அம்சங்களை பொருத்தவரை இந்த மாடலில் 1.39 இன்ச் HD டிஸ்ப்ளே, 240×240 ரெசல்யூஷன், DIY வாட்ச் ஃபேஸ் ஸ்டூடியோ வழங்கப்பட்டு இருக்கிறது. இத்துடன் பில்ட்-இன் HD மைக்ரோபோன், ஸ்பீக்கர், ப்ளூடூத் காலிங் மற்றும் டர்ன்-பை-டர்ன் நேவிகேஷன் வசதி வழங்கப்பட்டுள்ளது. இதில் உள்ள நேவிகேஷன் வசதியை மேப்மைஇந்தியா வழங்குகிறது.

இதில் உள்ள பேட்டரி முழு சார்ஜ் செய்தால் அதிகபட்சம் ஏழு நாட்களுக்கு பேட்டரி பேக்கப் வழங்குகிறது. ப்ளூடூத் காலிங் வசதியை பயன்படுத்தும் போது நான்கு நாட்கள் வரையிலான பேட்டரி பேக்கப் வழங்குகிறது. இந்த ஸ்மார்ட்வாட்ச் கிரெஸ்ட்+ ஓ.எஸ். கொண்டிருக்கிறது. இதுதவிர 700-க்கும் அதிக வொர்க்அவுட் மோட்கள் உள்ளன.

கூடுதல் அம்சங்களாக SOS அலர்ட், நோட்டிஃபிகேஷன்கள், குயிக் ரிப்ளை, DND மோட், கேமரா, மியூசிக் மற்றும் வானிலை கண்ட்ரோல் செய்யும் வசதி வழங்கப்பட்டு இருக்கிறது. இந்த ஸ்மார்ட்வாட்ச் IP67 தர வாட்டர் மற்றும் டஸ்ட் ரெசிஸ்டண்ட் வசதி கொண்டுள்ளது. இது ஒரு வருட வாரண்டியுடன் கிடைக்கிறது.

புதிய போட் லூனார் டிஸ்கவரி ஸ்மார்ட்வாட்ச் விலை ரூ. 1,099 என நிர்ணயம் செய்யப்பட்டுள்ளது. இதன் விற்பனை லைஃப்ஸ்டைல், ப்ளிப்கார்ட், அமேசான், மிந்த்ரா போன்ற வலைதளங்களில் நடைபெறுகிறது. இந்த ஸ்மார்ட்வாட்ச் ஆக்டிவ் பிளாக். பிரவுன், ஆக்டிவ் புளூ, செர்ரி பிளாசம், மின்ட் கிரீன் மற்றும் மெட்டல் பிளாக் போன்ற நிறங்களில் கிடைக்கிறது.