தமிழக அரசியலில் 50 ஆண்டுகால அனுபவம் கொண்ட செங்கோட்டையன், இப்போது தமிழக வெற்றிக் கழகத்தின் (தவெக) மிக முக்கியமான பொறுப்பில் இருந்து வருகிறார். சமீபத்தில் நடந்த சந்திப்பு ஒன்றில் பேசிய அவர், மற்ற கட்சிகளின் கூட்டணி அரசியலை மிகக் கடுமையாகச் சாடியுள்ளார்.
கெஞ்சும் கட்சிகள்:
“இப்போ இருக்குற மத்த கட்சிகளைப் பாருங்க.. ஒரு பக்கம் 10 கட்சி கூட்டணி, இன்னொரு பக்கம் 8 கட்சி கூட்டணின்னு பிரிஞ்சு நிக்கிறாங்க. எத்தனை கட்சிகளைச் சேர்த்துக்கிட்டாலும், அவங்க இன்னும் கூட்டணிக்காக மத்தவங்க கிட்ட கெஞ்சிக்கிட்டு தான் இருக்காங்க. ஆனா, தவெக தலைவர் விஜய் அப்படி இல்லை,” எனத் தொடங்கினார்.
விஜய் கை காட்டினால் வெற்றி:
விஜய்யின் பலத்தைப் பற்றிப் பேசுகையில், “தமிழகத்தில் உள்ள 234 தொகுதிகளிலும் தவெக தனிப் பெரும்பான்மையுடன் வெற்றி பெறும். எதைப் பற்றியும் எங்களுக்குக் கவலை இல்லை. விஜய் யாரை வேட்பாளரா கை காட்டுறாரோ, அவங்க தான் கண்டிப்பா வெற்றி பெறுவாங்க. அந்தளவுக்கு மக்கள் செல்வாக்கு எங்க தலைவர் கிட்ட இருக்கு,” எனத் தன்னம்பிக்கையுடன் கூறினார்.
2026-ல் சரித்திரம்:
“விஜய்க்குன்னு ஒரு தனிப் பாதை இருக்கு. அவர் மக்கள் மனசுல இடம் பிடிச்சுட்டாரு. மத்தவங்க போடுற கணக்கு எல்லாம் இந்தத் தேர்தல்ல தவிடுபொடியாகும். 2026 சட்டமன்றத் தேர்தல்ல தமிழக வெற்றிக் கழகம் ஒரு மிகப்பெரிய சரித்திரத்தைப் படைக்கும்,” எனச் செங்கோட்டையன் அதிரடியாகப் பேசி முடித்தார்.
அதிமுகவில் இருந்து தவெக-வுக்கு வந்த செங்கோட்டையன், இப்போ விஜய்க்காக இப்படி ‘பேட்டிங்’ செய்வது ஆளுங்கட்சி மற்றும் எதிர்க்கட்சி வட்டாரத்தில் பெரிய விவாதத்தை ஏற்படுத்தியுள்ளது.