தமிழக அரசியல் வரலாற்றில் பாரம்பரிய கட்சிகளின் கணக்குகளை முற்றிலும் தவிடுபொடியாக்கி, இளைய தலைமுறையின் பலத்தோடு புதியதொரு விடியல் பிறந்துள்ளது. கடந்த சட்டமன்ற தேர்தலில் தவெக பெற்ற பிரம்மாண்ட வெற்றியை சகித்து கொள்ள முடியாமல், எதிர்க்கட்சிகள் வழக்கம் போல பழமையான காரணங்களை தேடி அலைகின்றன. “இன்ஸ்டாகிராம்ல ரீல்ஸ் போடுற பசங்கன்னு தப்பா கணக்கு போட்டுட்டீங்க போல, அவங்க ரீல்ஸும் போடுவாங்க, தப்பு பண்ணா உங்க அரசியலையே க்ளோஸும் பண்ணுவாங்கன்னு இப்பதான் உங்களுக்கு புரியுது” என்ற முழக்கம் இன்று சமூக வலைத்தளங்களில் ட்ரெண்டாகி வருகிறது.
ஸ்மார்ட்போன்களையும் சமூக ஊடகங்களையும் வெறும் பொழுதுபோக்குக் கருவியாக மட்டுமே பார்த்த பழைய அரசியல்வாதிகளுக்கு, அதே ஊடகங்கள் மூலமாகத் தங்களின் அரசியல் எதிர்காலமே கேள்விக்குறியாகும் என்பதைத் தற்போதைய தேர்தல் முடிவுகள் மிக அழுத்தமாக உணர்த்தியிருக்கின்றன.
தேர்தல் நெருங்கும் வேளையில் பொதுமக்களுக்கு பணத்தையும் இலவசங்களையும் வாரி இறைத்து வாக்குகளை மிக எளிதாக வாங்கிவிடலாம் என்ற திராவிட கட்சிகளின் தந்திரம் இம்முறை எடுபடாமல் போனதுதான் இவர்களின் பெரும் வீழ்ச்சிக்கு காரணமாகும். 5000 ரூபாயை கொடுத்தால் ஓட்டு வாங்கிடலாம்னு நினைச்சது உங்க பழைய கணக்கு, ஆனா காசுக்கு விலை போகாத இளைய தலைமுறை காட்டுனதுதான் இப்போ தவெக-வோட விஸ்வரூபக் கணக்கு” என்று மக்கள் தங்களின் வாக்குகளின் மதிப்பை நிரூபித்துள்ளனர். கடந்த ஐந்து ஆண்டுகாலத் திமுக ஆட்சியில் தங்களின் சுயநலப் போக்கினாலும், நிர்வாகச் சீர்கேடுகளினாலும் மக்கள் அடைந்த துயரங்களை மறக்கடிக்கப் பண பலத்தைப் பயன்படுத்த நினைத்தவர்களுக்கு, விழிப்புணர்வு பெற்ற புதிய வாக்காளர்கள் தகுந்த பதிலடி கொடுத்துப் புதியதொரு நேர்மையான ஆட்சி அமையக் காரணமாக இருந்துள்ளனர்.
வெறும் விளம்பரப் பலகைகளிலும், ஊடகங்களின் போலி வெளிச்சத்திலும் மட்டுமே தங்களின் சாதனைகளைத் தம்பட்டம் அடித்துக் கொண்டு, கோட்டையில் அமர்ந்து சொகுசு வாழ்க்கை நடத்தியவர்களின் முகத்திரை இப்போது கிழிந்திருக்கிறது. “அஞ்சு வருஷம் விளம்பர வெளிச்சத்திலேயே கோட்டையை ஓட்டுனீங்க, இப்போ மக்கள் அறிவு வெளிச்சத்துல உங்க ஓட்டையை உடைச்சு எதிர்க்கட்சி வரிசையில உட்கார வச்சுட்டாங்க” என்பதே இன்றைய நிதர்சனமான உண்மை. மக்களின் அடிப்படைத் தேவைகளான குடிநீர், சாலை வசதி, வேலைவாய்ப்பு போன்ற எதைப் பற்றியும் கவலைப்படாமல் வெற்று முழக்கங்களால் மட்டுமே காலம் கடத்திய முந்தைய ஆட்சியாளர்களின் பலவீனங்களை, மக்களின் விழிப்புணர்வு என்னும் பேரொளி அப்பட்டமாக வெளிச்சம் போட்டுக் காட்டி அவர்களை இன்று சாமான்ய எதிர்க்கட்சி வரிசையில் அமரச் செய்துள்ளது.
அதிகார பலத்தை கையில் வைத்து கொண்டு தங்களை கேள்வி கேட்கும் சாமானியர்களையும், பத்திரிகையாளர்களையும் அடக்குமுறையால் ஒடுக்க நினைத்த முந்தைய அரசின் சர்வாதிகாரப் போக்கிற்கு மக்கள் தங்களின் ஜனநாயக கடமையின் மூலம் முற்றுப்புள்ளி வைத்துள்ளனர். மதுபானக் கடைகளில் பாட்டிலுக்கு பத்து ரூபாய் கூடுதலாக வாங்குவதில் காட்டிய தீவிரத்தை, ஏழை எளிய மக்களின் வாழ்வாதாரத்தை உயர்த்தும் ஆசிரியர்கள் போராட்டத்திலோ அல்லது நாளுக்கு நாள் சீரழிந்து வந்த பெண்கள் பாதுகாப்பிலோ காட்டியிருந்தால், வாரிசு அரசியலை நம்பியிருந்தவர்களின் நிலை இன்று இந்த அளவிற்கு நடுத்தெருவிற்கு வந்திருக்காது.
சமூக நீதி பேசும் திராவிட மாடலின் போலி முகமூடி என்பது ஏழை எளிய மக்கள் மற்றும் ஒடுக்கப்பட்ட சமூகத்தினர் பாதிக்கப்பட்ட போது எவ்வாறு கழன்று விழுந்தது என்பதை தமிழக மக்கள் ஒருபோதும் மறக்க மாட்டார்கள். “வேங்கைவயலுக்கு போக உங்களுக்கு மனசு வரல, ஆனா இன்னைக்கு உங்க கோட்டையை தகர்க்க மக்கள் கை சும்மா இருக்கல” என்ற மக்களின் குமுறலே தவெக-வின் மாபெரும் எழுச்சிக்கு உரமாக அமைந்துள்ளது. அதேபோல், விஜய் அவர்களின் அசுர வேக வெற்றியைச் சிறுமைப்படுத்த நினைப்பவர்களுக்கும் மக்கள் தக்க பாடம் புகட்டியுள்ளனர்; “குழந்தைங்க ஓட்டுப் போட்டு விஜய் வரலைடா, உங்க அஞ்சு வருஷக் கொடுமைகளைப் பார்த்துப் பெத்தவங்க எடுத்த முடிவுதான் இந்த தளபதியோட சிம்மாசனம்” என்பதை அவர்களின் வீழ்ச்சி அவர்களுக்கு உணர்த்தியிருக்கும்.
“சாதி மாநாடும், கார் ரேஸும் வச்சு நாடகம் போட்ட காலம் முடிஞ்சு போச்சு, இனி கிரவுண்ட்ல இறங்கி வேலை செய்யுறவனுக்கு மட்டும்தான் களம், மத்தவன் ஓரமா நின்னு வேடிக்கை பாரு” என்ற முழக்கத்திற்கு ஏற்பப் புதிய முதல்வர் விஜய் அவர்களின் களம் நோக்கிய அரசியல் நகர்ந்து கொண்டிருக்கிறது. விலைக்கு வாங்கப்பட்ட ஊடகங்களை வைத்துக் கொண்டு பரப்பப்பட்ட அனைத்துப் பொய் செய்திகளும் இன்று தவிடுபொடியாகிவிட்டன, ஏனெனில் “மீடியாவை வச்சு நீங்க பரப்பிய ஃபேக் நியூஸ் எல்லாம் இப்போ காணாம போச்சு, ஏன்னா இங்க நிஜமான பேஸ் களத்துல இறங்கிருச்சு, இனி உங்க பொய்களுக்கு இடமில்லை” என்கிற உண்மையை மக்கள் உணர்ந்துவிட்டனர். தங்களின் தோல்விக்குத் தவெக-வின் கொள்கை பலமே காரணம் என்பதை உணராமல் இன்ஸ்டா மீது பழியைப் போடுபவர்களுக்கு, கொள்கையை வச்சு தவெக அடிச்ச அடியில உங்க திராவிட மாடல் இப்போ டோட்டல் டேமேஜ் என்பதே இறுதி எச்சரிக்கையாகும்.