தமிழகத்தில் முதலமைச்சர் விஜய் தலைமையிலான புதிய அரசு பொறுப்பேற்ற மிகக்குறுகிய நாட்களிலேயே, நிர்வாக இயந்திரத்தில் யாருமே எதிர்பார்க்காத ஒரு மாபெரும் தூய்மை புரட்சி அரங்கேறி வருகிறது. கடந்த ஐம்பது ஆண்டுகாலமாக தமிழகத்தின் அரசு அலுவலகங்களை சாபக்கேடாக உலுக்கி வந்த லஞ்ச ஒழிப்பு மற்றும் புரோக்கர் கலாச்சாரம் தற்போது ஒட்டுமொத்தமாக முடக்கப்பட்டுள்ளது. இத்தனை காலமும் அரசு அலுவலகங்களின் ஒவ்வொரு துறையிலும் அதிகாரப்பூர்வமற்ற அதிகாரிகளாக வலம் வந்த இடைத்தரகர்களும், பெரிய அளவிலான திட்டங்களுக்கு பாலமாக செயல்பட்டு வந்த ‘கன்சல்டன்ட்ஸ்’ போன்றோரும் தங்களது இடங்களை காலி செய்துவிட்டு எங்கு சென்றார்கள் என்றே தெரியாத அளவிற்கு ஓடி ஒளிந்துவிட்டனர்.
குறிப்பாக, பொதுமக்கள் தினசரி அணுகக்கூடிய வட்டார போக்குவரத்து அலுவலகங்கள் மற்றும் பத்திரப்பதிவுத் துறை அலுவலகங்கள் போன்றவற்றில் இத்தனை காலம் கொடிகட்டி பறந்த புரோக்கர்கள் கூட்டம் இப்போது அடியோடு காணாமல் போயுள்ளது. சான்றிதழ்கள் வாங்குவது முதல் வாகனப்பதிவு, சொத்துப்பதிவு வரை அனைத்து இடங்களிலும் இடைத்தரகர்களின் குறுக்கீடு இன்றி மக்கள் நேரடியாக தங்களது பணிகளை முடித்து கொள்ளும் வெளிப்படையான சூழல் உருவாகியுள்ளது. ஆண்டாண்டு காலமாக தமிழக நிர்வாகத்தை சீரழித்து வந்த கமிஷன் கலாச்சாரத்திற்கு இந்த புதிய அரசு மிகக் கடுமையான சட்டங்கள் மற்றும் கண்காணிப்புகள் மூலம் முழுமையாக முற்றுப்புள்ளி வைத்துள்ளது.
புதிய முதலமைச்சரின் அதிரடி உத்தரவுகள் மற்றும் லஞ்ச ஒழிப்புத்துறையின் தொடர் சோதனைகள் காரணமாக, தற்போது அரசு ஊழியர்கள் லஞ்சம் என்ற வார்த்தையை கேட்பதற்கே நடுங்கக்கூடிய ஒரு அச்சத்துடனான ஆரோக்கியமான சூழல் உருவாகியுள்ளது. “வாங்கும் ஒருமுறை லஞ்ச பணத்திற்கு ஆசைப்பட்டால், ஆயுள் முழுவதும் அரசு வேலை மூலம் வரக்கூடிய கௌரவமான சம்பளம், ஓய்வுக்கு பின் கிடைக்கும் பென்ஷன் மற்றும் இதர அரசு சலுகைகள் என அனைத்தும் மொத்தமாக பறிபோய்விடும்; குடும்பமே நடுத்தெருவுக்கு வந்துவிடும்” என்ற பயம் கடைநிலை ஊழியர் முதல் உயர் அதிகாரிகள் வரை மிக ஆழமாக விதைக்கப்பட்டுள்ளது. இந்த நிர்வாக பயமே அரசு இயந்திரத்தை தற்போதைய தூய்மையான நிலைக்கு இட்டுச் சென்றுள்ளது.
ஆட்சிப் பொறுப்பேற்ற வெறும் 15 நாட்களுக்குள் தவெக அரசு செய்துள்ள இந்த அதிரடியான தூய்மை மாற்றங்களை சமூக ஆர்வலர்களும் பொதுமக்களும் வியப்புடன் ஒப்பிட்டுப் பேசி வருகின்றனர். இவ்வளவு எளிய, தீர்க்கமான நிர்வாக சீர்திருத்தங்களை கடந்த 50 வருடங்களாக தமிழகத்தை மாறி மாறி ஆண்டு வந்த பாரம்பரியத் திராவிட கட்சிகள் தங்களது ஆட்சிக்காலத்தில் செய்திருந்தால், இன்று தமிழ்நாடு உலக வரைபடத்தில் ஒரு மிகப்பெரிய பொருளாதார சக்தியாக உருவெடுத்திருக்கும். சிங்கப்பூர், மலேசியா போன்ற ஆசியாவின் வளர்ந்த நாடுகளுக்கு இணையான உள்கட்டமைப்பு மற்றும் வாழ்க்கைத்தரத்தைக் கொண்ட ஒரு முதன்மை மாநிலமாகத் தமிழ்நாடு என்றோ மாறியிருக்கும் என்பதுதான் மக்களின் தற்போதைய எதார்த்தமான கருத்தாக உள்ளது.
கடந்த அரை நூற்றாண்டு கால தவறுகளை பத்தே நாட்களில் சரிசெய்து, தூய சக்தியின் அரசாக தன்னை நிலைநிறுத்தியுள்ள தவெக அரசு, தற்போது தமிழகத்தின் ஒவ்வொரு துறையிலும், ஒவ்வொரு இடத்திலும் தனது முத்திரையை பதிக்க தொடங்கியுள்ளது. லஞ்ச ஊழலற்ற வெளிப்படையான நிர்வாகம், ஏழை எளிய மக்களுக்கான உடனடிச் சேவைகள் என இந்த அரசு எடுத்து வைக்கும் ஒவ்வொரு அடியும் தமிழக மக்களின் நீண்டகாலக் கனவை நனவாக்கும் விதமாக அமைந்துள்ளது. கோட்டையில் தொடங்கி கிராமத்து விஏஓ அலுவலகம் வரை இந்தத் தூய்மைப் புரட்சியின் தாக்கம் அப்பட்டமாகத் தெரிகிறது.
மாற்றத்தை வெறும் வார்த்தைகளில் சொல்லாமல், செயல்பாடுகளில் காட்டியுள்ள முதலமைச்சர் விஜய்யின் இந்த நேர்மையான அணுகுமுறை, தமிழக அரசியலில் ஒரு புதிய விடியலை ஏற்படுத்தியுள்ளது. அதிகார வர்க்கத்தின் சுரண்டல்களுக்கு முற்றுப்புள்ளி வைக்கப்பட்டு, மக்களின் வரிப்பணம் முழுமையாக மக்களுக்கே சென்றடையும் ஒரு உன்னதமான நிர்வாக முறை தற்போது சாத்தியமாகியுள்ளது. தவெக அரசின் இந்த அசுர வேகமும், தூய்மையான மக்கள் சேவையும் வரும் காலங்களில் தமிழகத்தை இந்தியாவின் ஒட்டுமொத்த மாநிலங்களுக்கும் ஒரு மிகச்சிறந்த வழிகாட்டியாக மாற்றப்போவது மட்டும் உறுதி.