கேலக்ஸி வாட்ச்-க்கு முழுசா ரூ. 8000 தள்ளுபடி.. சாம்சங் அசத்தல்

சாம்சங் நிறுவனத்தின் அதிநவீன ஸ்மார்ட்வாட்ச் மாடல் கேலக்ஸி வாட்ச் 6 சீரிஸ். இந்திய சந்தையில் கேலக்ஸி வாட்ச் 6 சீரிஸ் மாடல்களுக்கு தற்போது அசத்தலான சலுகை மற்றும் தள்ளுபடி அறிவிக்கப்பட்டு இருக்கிறது.

கேலக்ஸி வாட்ச் 6 BT/LTE 40mm, கேலக்ஸி வாட்ச் 6 கிளாசிக் BT/LTE 43mm மற்றும் கேலக்ஸி வாட்ச் 6 BT/LTE 47mm ஆகிய மாடல்களுக்கு தள்ளுபடி வழங்கப்படுகிறது. இந்த அறிவிப்பின் படி கேலக்ஸி வாட்ச் 6 மாடல்களுக்கு ரூ. 8000 உடனடி தள்ளுபடி வழங்கப்படும்.

சலுகை விவரங்கள்:

• இந்த தள்ளுபடி ஜூன் 30 ஆம் தேதி இரவு 11.59 வரை மட்டுமே வழங்கப்படும்.
• மாத தவணை, கிரெடிட்/டெபிட் கார்டு பரிவர்த்தனைகளுக்கு பொருந்தும்.
• குறைந்தபட்சம் மூன்று மாதங்கள், அதிகபட்சம் 9 மாதங்கள் வரை வட்டியில்லா மாத தவணை முறை வசதி உண்டு.
• தள்ளுபடியை பெறுவதற்கு மாத தவணையில் குறைந்தபட்சம் ஆறு மாதங்கள் வரை தேர்வு செய்ய வேண்டும்.
• இந்த சலுகை சாம்சங் இந்தியா அதிகாரப்பூர்வ வலைதளத்தில் (samsung.com/in) வழங்கப்படுகிறது.

சாம்சங்கின் இந்த அறிவிப்பு காரணமாக கேலக்ஸி வாட்ச் 6 40mm ப்ளூடூத் மாடலின் விலை ரூ. 33,999-இல் இருந்து ரூ. 25,999 என மாறியுள்ளது. கேலக்ஸி வாட்ச் 6 ப்ளூடூத் 44mm மாடல் விலை ரூ. 36,999-இல் இருந்து ரூ. 19,999 என மாறியது. கேலக்ஸி வாட்ச் 6 LTE 40mm மாடல் ரூ. 38,999-இல் இருந்து தற்போது ரூ. 27,999 என மாறி இருக்கிறது.

அம்சங்களை பொருத்தவரை கேலக்ஸி வாட்ச் 6 மாடல்களில் ஹார்ட் ரேட், டெம்பரேச்சர் மற்றும் ஸ்லீப் டிராக்கிங் வசதி உள்ளது. இத்துடன் அதிநவீன வியர் ஓ.எஸ்., அதிவேக வயர்லெஸ் சார்ஜிங் வசதி வழங்கப்பட்டு இருக்கிறது. LTE, வைபை மற்றும் பில்ட்-இன் GPS மூலம் இந்த வாட்ச் கனெக்ட் ஆகும் வசதி கொண்டுள்ளது. இத்துடன் வாட்டர் ரெசிஸ்டண்ட் வசதி உள்ளது.